20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
ՀԱՊԿ-ն չի՛ ճանաչում ՀՀ-ի սահմանները՝ սա լուրջ խնդիր է, որը լուծում պիտի գտնի․ Արմեն Գրիգորյան. ՏԵՍԱՆՅՈւԹ
Քաղաքականություն
23.02.2023 | 22:15
Այսօր ՀՀ ԱԽ քարտուղար Արմեն Գրիգորյանը FactorTV-ի հետ զրույցում խոսել է հայ-ադրբեջանական հարաբերությունների, խաղաղության պայմանագրի, նոյեմբերի 9-ի հրամանագրի, ՀՀ-ում ԵՄ դիտորդական առաքելության, ՀԱՊԿ-ի և այլ հարցերի մասին։
Ինչքա՞ն է Հայաստանը մնալու այնպիսի կառույցում՝ ՀԱՊԿ-ում, որտեղ մեզ չեն աջակցում՝ խախտելով իրենց կանոնադրությունը․ ըստ Լավրովի՝ ՀՀ-ն օկուպանտ է եղել տասնամյակներ առաջ։ Այսինքն՝ Ադրբեջանի ագրեսիան ՀԱՊԿ-ը չի ճանաչում։ Այս հարցին ի պատասխան Գրգորյանը նշեց․ «Հարցը ոչ թե այն է, որ Հայաստանն է լքելու ՀԱՊԿ-ը, այլ այն, թե արդյո՞ք ՀԱՊԿ-ը լքելու է Հայաստանը։
Այստեղ կարևոր հարց կա․ ՀԱՊԿ-ն չի՛ ճանաչում ՀՀ-ի սահմանները․ սա լուրջ խնդիր է, որովհետև չկա սահման, չկա պատասխանատվություն, չկա պատասխանատվության գոտի։ Մենք այս հարցը բարձրացրել ենք, այն դեռևս լուծում չի գտել։ Մենք հույս ունենք, որ այս հարցին ինչ-որ պահի լուծում կտրվի»։
Գրիգորյանը հավելեց, որ Հայաստանը Ադրբեջանի հետ ունի սահման, որովհետև ադմինիստրատիվ սահման ունեցել է․ «Կարող է մի մասը դեմարկացված չէ, հստակ գիծը չգիտենք, բայց դա մի քանի մետրերի հարց է, ՀՀ սուվերեն 29 800 կմ տարածքը հայտնի է, և եթե լինի կամք, հնարավոր կլինի այն պաշտպանել․․․ ՀԱՊԿ-ը պետք է ճանաչի ՀՀ սուվերեն տարածքը և միջազգայնորեն ճանաչված սահմանները․ սա է խնդիրը»։
Մանրամասները՝ տեսանյութում։
