Շիրակից Երևան տեղափոխված դատավորները մարզում 300-ից ավելի գործ են կիսատ թողել

Լուրեր

19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
Բոլորը

Հունվարի 18-ին Բարձրագույն դատական խորհուրդը որոշեց Շիրակի մարզի ընդհանուր իրավասության դատարանի քրեական գործեր քննող բոլոր դատավորներին տեղափոխել Երևան, ինչը մեծ դժգոհություն առաջացրեց Շիրակում աշխատող փաստաբանների շրջանում։

Խնդիրն այն է, որ դատավորների տեղափոխման դեպքում նրանց վարույթում գտնվող գործերը վերամակագրվում են, այսինքն՝ դրանց քննությունը պետք է նորից սկսվի։

Factor.am-ի հետ զրույցում փաստաբանները դժգոհություն էին հայտնել, որ ԲԴԽ-ի որոշումն անտրամաբանական և անհասկանալի է, որ այն կխաթարի դատարանի աշխատանքը, մեծ վնաս կպատճառի կալանավորների իրավունքներին, կվատնվեն պետության գումարները, քանի որ դատավորը, քրեական գործերի քննությունը կիսատ թողնելով, հեռանում է՝ այն հանձնելով մեկ այլ դատավորի։ Բացի այդ, ըստ փաստաբանների, այսպիսով արհեստականորեն կերկարաձգվեն կալանքի տակ գտնվողների պահման ժամկետները՝ պետական միջոցներից լրացուցիչ ծախսեր առաջացնելով։

Փաստաբանները նաև դիտարկել էին, որ Շիրակից տեղափոխված դատավորները՝ Էդուարդ Մկրտչյանը, Ռոման Սմբատյանը, Արամայիս Ասատրյանը և Տիգրան Ոսկանյանը, միայն ամիսներ առաջ էին նշանակվել մարզի դատավոր։

Դատական դեպարտամենտ ուղարկած գրավոր հարցմամբ փորձել ենք պարզել, թե Երևան տեղափոխված դատավորներից յուրաքանչյուրի վարույթում քանի՞ քրեական գործ է քննվել նրանց տեղափոխելու որոշումը կայացնելու օրվա դրությամբ։

Դատական դեպարտամենտից ստացված պատասխանի համաձայն՝ Ռոման Սմբատյանի վարույթում եղել է 92, Էդուարդ Մկրտչյանի վարույթում՝ 111, Արամայիս Ասատրյանի վարույթում՝ 72, իսկ Տիգրան Ոսկանյանի վարույթում՝ 29 քրեական գործ։ Ստացվում է, որ Շիրակի մարզում 304 քրեական գործի քննություն պետք է նորից սկսվի։

Նշենք, որ Ռոման Սմբատյանը, Արամայիս Ասատրյանը և Էդուարդ Մկրտչյանը Շիրակի մարզի ընդհանուր իրավասության դատարանի դատավոր են նշանակվել 2022 թվականի ապրիլի 28-ին, իսկ Տիգրան Ոսկանյանը, ում վարույթում ամենաքիչ գործերն են եղել տեղափոխվելու պահին, 2022-ի հունվարի 5-ին է դատավոր նշանակվել Շիրակում։

Դատալեքս դատական-տեղեկատվական համակարգում առկա տվյալների համաձայն՝ Շիրակի մարզում դատավոր նշանակվելուց ի վեր Ոսկանյանի վարույթում քննվել է ընդհանուր 62 քրեական գործ, որոնց կեսից ավելին, փաստորեն, մինչև Երևան տեղափոխվելը դատավորն ավարտել է։

Արաքս Մամուլյան