24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մոլդովան ԱՊՀ-ից դուրս գալու գործընթաց է սկսել․ մի քանի տասնյակ պայմանագրեր են չեղարկվել
Քաղաքականություն
23.02.2023 | 16:09
Մոլդովան ԱՊՀ-ից դուրս գալու գործընթաց է սկսել, հայտարարել է երկրի արտաքին գործերի նախարար Նիկու Պոպեսկուն։
«Մենք սկսում ենք Մոլդովայի կողմից ԱՊՀ-ի շրջանակում պայմանագրերի չեղարկումը։ Մեր պետական կառույցները վերլուծել են ԱՊՀ-ում ստորագրված բազմաթիվ համաձայնագրերի անհրաժեշտությունը, և այս օրերին մենք սկսում ենք մի քանի տասնյակ համաձայնագրերից դուրս գալու ընթացակարգ։ Մենք կթարմացնենք և կհրապարակենք այս ցուցակը: Միայն ՆԳՆ-ի գծով չեղարկում ենք մոտ 20 պայմանագիր»,- NewsMaker-ի փոխանցմամբ՝ ասել է Պոպեսկուն։
Նախարարը նշել է, որ Քիշնևը ԱՊՀ-ի շրջանակում շուրջ 330 համաձայնագրի մասնակից է։ Մոլդովան մտադիր է անդամակցել ԵՄ-ին։ Պոպեսկուի խոսքով՝ երկրի մասնակցությունն այլ ասոցիացիաներին ստորադասվելու է եվրաինտեգրման նպատակին։
«Ակնհայտ է, որ ԱՊՀ-ից դուրս գալը կամ մեր պարտավորությունների հետ անհամատեղելի այս համաձայնագրերի խզումը շարունակվելու է»,- հավելել է նախարարը։
Տաթև Ֆռանգյան
