15.07.2026 | 14:10
ՌԴ-ում ծնված ներդրողին Պետդեպը նշանակել է TRIPP-ի հիմնադրամի ղեկավար․ նա ներդրումներ ունի նաև ՀՀ-ում․ The Guardian
Արցախում վարժական հավաքներ կանցկացվեն․ Ավանեսյանը՝ Ամուլսարի հանքի շահագործման մասին․ Լուրեր
Քաղաքականություն
23.02.2023 | 16:00
- Արցախում պահեստազորայինների վարժական հավաքներ կանցկացվեն ըստ անհրաժեշտության։ Այս մասին հարցը քննարկվել է Արցախի խորհրդարանում։ Ընդ որում՝ շարքային և կրտսեր ենթասպայական կազմերի պահեստազորայինները վարժական հավաքների կարող են կանչվել ոչ ավելի, քան երեք ամիս ժամկետով մեկ տարվա ընթացքում, ավագ ենթասպայական և սպայական (բացառությամբ բարձրագույն սպայական) կազմերի պահեստազորայինները կարող են կանչվել ոչ ավելի, քան երկու ամիս ժամկետով մեկ տարվա ընթացքում:
- Մոսկվան Երևանին և Բաքվին փոխանցել է նաև ռուսական տեսակետները խաղաղ գործընթացի հիմնարար սկզբունքների և պարամետրերի վերաբերյալ՝ հաշվի առնելով կողմերի մոտեցումները։ Այս մասին հայտարարել է ՌԴ փոխարտգործնախարար Միխայիլ Գալուզինը։ Նա նշել է, որ Բաքվի ու Երևանի միջև հաշտեցումը հիմնված է Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի վրա, և պետք է խուսափել շարունակվող միջնորդական ջանքերի կրկնօրինակումից և մրցակցությունից։
- Առողջապահության նախարար Անահիտ Ավանեսյանն այսօր արդարացրել է Ամուլսարի հանքի շահագործման որոշումը և նշել է, թե բոլոր անհրաժեշտ փորձաքննություններն իրականացվել են, իրականացվում են, և ընթացքում էլ խստագույնս մոնիթորինգ իրականացվելու է։
Այս ժամի լուրերը՝ տեսանյութում։
