10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
Մոլդովայում պետական հեղաշրջում նախապատրաստող գործակալական ցանց է բացահայտվել
Քաղաքականություն
23.02.2023 | 17:09
Մոլդովայի տեղեկատվության և անվտանգության ծառայությունը հայտարարել է օտարերկրյա հետախուզական ցանցի բացահայտման մասին, որում ներառված են երկրի քաղաքացիներ և օտարերկրացիներ։ Նրանք կասկածվում են դավաճանության և լրտեսության մեջ, գրում է Korrespondent-ը։
«Հինգ մարդ՝ Մոլդովայի քաղաքացիներ, հետաքննության տակ են։ Նրանցից երկուսը ձերբակալվել և կալանավորվել է 2022 թվականի դեկտեմբերին, ևս երեքը կասկածյալի կարգավիճակում են»,- ասվում է զեկույցում։
Նշվում է, որ նրանք հավաքագրվել են երրորդ երկրի հետախուզական ծառայությունների ներկայացուցիչների կողմից՝ աջակցելու ապակայունացման գործողություններին, որոնք ուղղված են Մոլդովայում բռնության կիրառմամբ սահմանադրական կարգը խախտելուն։
Հանրապետության իրավապահների տեսադաշտում են նաև օտարերկրյա քաղաքացիներ, ովքեր կասկածվում են լրտեսության մեջ։ Ըստ քննիչների՝ նրանք ֆինանսավորել և ղեկավարել են Մոլդովայից ներգաղթյալների դիվերսիոն գործունեություն։
Այս խումբը հետախուզման մեջ է 2020 թվականից։ Մոլդովայի հետախուզական ծառայությունը կարծում է, որ խմբավորման անդամները ներգրավված են զանգվածային բողոքի ցույցեր կազմակերպելու և ազգամիջյան ատելություն հրահրելու գործում։
Տաթև Ֆռանգյան
