07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՌԴ-ն ներկայացված կլինի ԵԱՀԿ վեհաժողովում. Ուկրաինան և Լիտվան սպառնում են բոյկոտել
Քաղաքականություն
23.02.2023 | 15:18
Ավստրիայի որոշումը՝ թույլ տալ ռուսներին Վիեննայում մասնակցել ԵԱՀԿ վեհաժողովի աշխատանքներին, միջազգային դժգոհություն է առաջացրել: Ուկրաինան և Լիտվան ցանկանում են բոյկոտել անվտանգության կազմակերպության ձմեռային հանդիպումը (փետրվարի 23-24-ին), գրում է Euronews-ը:
«Մեր պատգամավորները չեն ցանկանում նստել նույն սենյակում կամ նույն շենքում, որտեղ կան Ռուսաստանի ներկայացուցիչներ, ովքեր նախաձեռնել, աջակցել և շարունակում են բորբոքել Ուկրաինայում պատերազմը։ 20 երկրների ավելի քան 80 պատգամավորներ նամակ են գրել Ավստրիայի խորհրդարանին և կառավարությանը՝ վիզաներ չտրամադրելու և այս որոշումը վերանայելու հստակ խնդրանքով»,- հայտարարել է ԵԱՀԿ-ում Լիտվայի մշտական ներկայացուցիչ Վայդոտաս Վերբան։
Մինչ Լեհաստանը և Մեծ Բրիտանիան վերջերս մերժեցին ռուս խորհրդարանականների այցը ԵԱՀԿ-ի իրենց միջոցառումներին, Ավստրիան այլ մոտեցում է ցուցաբերում: Երկրի կառավարությունը հայտարարել է, որ որպես Եվրոպայում անվտանգության և համագործակցության կազմակերպության պաշտոնական նստավայր՝ Վիեննան, միջազգային իրավունքի համաձայն, պարտավոր է վիզաներ տրամադրել բոլոր պատվիրակություններին։ Բացի այդ, Ավստրիայի իշխանությունները ցանկանում են պահպանել երկխոսությունը։
Տաթև Ֆռանգյան
