15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Թուրքիայի հետ սահմանը բացելուց հետո միանշանակ տուրիզմը կզարգանա․ Շիրակի մարզպետ
Տնտեսություն
23.02.2023 | 13:28
Գյումրին հանրապետությունում իր տեղն ունեցող քաղաք է, և սոցիալական խնդիրներ չէին կարող չլինել՝ հետերկրաշարժյան, հետպատերազմյան այդ բոլոր պարագաները նպաստել են սոցիալական խնդիրների ավելանալուն։ Բայց հիմա, փառք Աստծո, Գյումրին ծաղկուն քաղաք է։ Ես օր օրի տեսնում եմ, որ սոցիալական խնդիրները նաև նվազում են»,-այս մասին այսօր կառավարության նիստից հետո լրագրողների հետ ճեպազրույցում նշեց Շիրակի նորանշանակ մարզպետ Մուշեղ Մուրադյանը։
Անդրադառնալով հարցին, թե, օրինակ, Գյումրու տնակների թիվը նվազե՞լ է, մարզպետը պատասխանեց, որ տնակների վերացումը մեկ օրում չի արվում, փուլային աշխատանք է․ «Մինչև 2027 թվականը պետք է տնակներից ազատվենք։ Դրա համար ամեն հնարավոր աշխատանք պետք է անենք»։
Անդրադառնալով դիտարկմանը, որ հնարավոր է մինչև զբոսաշրջային սեզոնի սկսվելը հայ-թուրքական սահմնանը բացվի, Շիրակի մարզպետը նշեց․ «Կանխատեսում չանեմ, առանց սահմանի բացման էլ Շիրակի մարզը զբոսաշրջության առումով ծաղկուն, լավ վիճակում է, իսկ սահմանի բացումով մարզը, միանշանակ, կզարգանա։
Չասեմ՝ դեմ եմ, թե կողմ եմ սահմանի բացմանը, երբ զարգացումներ ընթանան, արդյունքներից պետք է գոհ կամ դժգոհ լինենք, կողմ կամ դեմ լինենք»։
Մանրամասները՝ տեսանյութում։
