03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Ճապոնիայում առեղծվածային մետաղական գունդ են հայտնաբերել
Քաղաքականություն
22.02.2023 | 23:09
Ճապոնական Շիզուոկա պրեֆեկտուրայի Համամացու քաղաքի լողափում մետաղյա հսկայական գունդ է հայտնաբերվել։ Դրա տրամագիծը մեկուկես մետր է։ Այս մասին հայտնում է Korrespondent-ը՝ հղում անելով Daiichi TV-ին։
Գունդը հայտնաբերել է տեղի բնակչուհին փետրվարի 21-ի առավոտյան։ Նա անմիջապես դիմել է ոստիկանություն։
Օբյեկտի լուսանկարներն ուղարկվել են Ճապոնիայի ինքնապաշտպանության ուժերի և առափնյա պահպանության փորձագետներին:
Գտնված գունդը պատված է ժանգով, ունի դուրս ցցված մասեր, որը հնարավոր է՝ օգտագործվել է որպես ամրակ։ Դրա շուրջ արդեն ստեղծվել է 200 մետր շառավղով անվտանգ գոտի, քանի որ օբյեկտի ծագումն անհայտ է։ Փորձագետները ենթադրում են, որ այն կարող է պայթուցիկ լինել։
Հարկ է նշել, որ համացանցում շրջանառվում է գնդի այլմոլորակային ծագման մասին վարկածը:
Տաթև Ֆռանգյան
