28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Ամուլսարի շահագործումը սկսում ենք, այսօր 250 մլն դոլարանոց նախագիծ ենք կնքելու «Լիդիանի» հետ. Քերոբյան․ ՏԵՍԱՆՅՈՒԹ
Տնտեսություն
22.02.2023 | 12:34
Հայաստանն այսօր 250 միլիոն դոլարանոց փաթեթ է ստորագրելու «Լիդիան Արմենիա» ընկերության հետ: Այս մասին այսօր Ազգային ժողովի տնտեսական հարցերի մշտական հանձնաժողովի նիստում հայտարարեց ՀՀ էկոնոմիկայի նախարար Վահան Քերոբյանը:
«Հենց այսօր մենք կստորագրենք մյուս խոշոր հանքի հետ կապված փաստաթղթեր, որոնք կազդարարեն այդ հանքի վերսկսելը: Խոսքն Ամուլսարի մասին է:
Մենք այսօր ժամը 5-ին 250 մլն դոլարանոց փաթեթ ենք ստորագրելու, որը թույլ կտա վերսկսել ևս մեկ հանք, որի վերաբերյալ պարտավորությունները վաղուց կան»,- նշեց նախարարը:
Նշենք, որ ՀՀ կառավարության, Եվրասիական Զարգացման բանկի և «Լիդիան Արմենիա» ՓԲ ընկերության միջև կստորագրվի Եռակողմ փոխըմբռնման հուշագիր։ ՀՀ կառավարության կողմից փաստաթուղթը կստորագրի ՀՀ էկոնոմիկայի նախարար Վահան Քերոբյանը։
«Մենք փորձում ենք փոխել տնտեսության կառուցվածքն այնպես, որ հանքարդյունաբերությունը չդառնա գերիշխող ճյուղ։ Բայց հանքարդյունաբերության ոլորտի ցուցանիշների նվազումը նպատակ չէ․ այս ոլորտում ցուցանիշների նվազումը արձանագրվել է երկրորդ խոշոր հանքի՝ Թեղուտի հանքավայրի կանգնած լինելու պատճառով։ Այս հանքի սեփականատերը և գործընկերները հայտնվել են պատժամիջոցների տակ։ Մենք աշխատում ենք, որպեսզի լուծումներ գտնենք Թեղուտի հանքի վերագործարկման համար»։
Մանրամասները՝ տեսանյութում։
