08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ջո Բայդենի՝ Կիև կատարած այցի ընթացքում ՌԴ-ն միջմայրցամաքային հրթիռի անհաջող արձակում է իրականացրել
Քաղաքականություն
22.02.2023 | 11:34
Ամերիկյան CNN հեռուստաընկերությունը, հղում անելով ԱՄՆ անանուն պաշտոնյաներին, հայտնում է, որ երկուշաբթի նախագահ Ջո Բայդենի՝ Կիև կատարած այցի ժամանակ Ռուսաստանն իրականացրել է «Սարմատ» միջմայրցամաքային բալիստիկ հրթիռի փորձնական արձակում, բայց արձակումն անհաջող է եղել։
CNN-ի զրուցակիցները նշել են, որ Ռուսաստանը նախապես տեղեկացրել է ԱՄՆ-ին փորձարկման մասին, և Միացյալ Նահանգները դա չի դիտարկում որպես լարվածության սրման քայլ:
««Սարմատ» ծանր հրթիռի փորձարկումը, ըստ երևույթին, ձախողվել է: Ռուսաստանն արդեն հաջողությամբ փորձարկել է այս հրթիռը, և եթե դա հաջողվեր, ըստ ԱՄՆ պաշտոնյաների, Ռուսաստանի նախագահ Վլադիմիր Պուտինը դա կընդգծեր Դաշնային խորհրդին ուղղված ուղերձում»,- գրում է CNN-ը։
Հիշեցնենք, որ Պուտինն իր ուղերձում, ի թիվս այլ բաների, հայտարարել է, որ Ռուսաստանը կասեցնում է ԱՄՆ-ի հետ միջուկային զենքի փոխադարձ վերահսկողության՝ Ռազմավարական հարձակողական սպառազինությունների մասին պայմանագիրը։
Տաթև Ֆռանգյան
