05.12.2025 | 19:13
Ադրբեջանի ընդդիմության ղեկավարը կմնա կալանքի տակ. դատարանի ճանապարհին նաև ավելի քան 20 ակտիվիստ է ձերբակալվել
ԵՄ-ին ինտեգրումը որպես լիիրավ անդամ անհրաժեշտ և հրատապ ենք համարում․ քաղհասարակության ներկայացուցիչները քննարկում են համատեղ հայտարարությունը․ ՏԵՍԱՆՅՈՒԹ
Քաղաքականություն
21.02.2023 | 13:33
Ընթանում է Հայաստանի ժողովրդավարական ուժերի՝ Հայաստանի եվրոպական ինտեգրման գործում համագործակցությանը նվիրված համաժողովը։
Քաղհասարակության ներկայացուցիչները քննարկում են համատեղ հայտարարությունը։
Հայաստանի եվրոպական կուսակցության նախագահ Տիգրան Խզմալյանն ընթերցեց Հայաստանի քաղաքացիական հասարակության և ընդդիմադիր ժողովրդավարական ուժերի՝ Հայաստանի եվրոպական ինտեգրման գործում համաձայնության մասին հայտարարությունը։
«Ստեղծված աշխարհաքաղաքական իրավիճակում ՀՀ ինքնիշխանությունը, անվտանգությունը, ժողովրդավարության կայացումը և մարդու իրավունքների ու ազատությունների իրացումը, տնտեսական զարգացումը և մշակութային ինքնության պահպանումը հնարավոր են միայն եվրաատլանտյան քաղաքակրթության ռազմաքաղաքական դաշինքի շրջանակներում։
2020թ․ պատերազմը և հաջորդող գործընթացները ակնհայտ դարձրին մեր դիրքորոշման ճշմարտացիությունը առ այն, որ մեր ռազմավարական դաշնակից համարվող ՌԴ-ի և ՀԱՊԿ-ի շահերն ու նպատակները չեն համապատասխանում ՀՀ-ի պետականության, ՀՀ քաղաքացիների ու համայն հայության շահերին։
Այս իրավիճակում մենք անհրաժեշտ և հրատապ ենք համարում Հայաստանի ինտեգրումը Արևմուտքի ռազմաքաղաքական համակարգերին, այդ թվում ԵՄ-ին՝ որպես լիիարվ անդամ»,- նշված է հայտարարության մեջ։
Մանրամասները՝ տեսանյութում։
