14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Պեսկովը Մոլդովայի իշխանություններին խորհուրդ է տվել «զգույշ լինել» Մերձդնեստրի հարցում
Քաղաքականություն
20.02.2023 | 22:24
Կրեմլի խոսնակ Դմիտրի Պեսկովը Մոլդովայի իշխանություններին խորհուրդ է տվել «զգույշ լինել» Մերձդնեստրի հարցի վերաբերյալ գնահատականներում։ Այսպես է նա մեկնաբանել Մերձդնեստրն ապառազմականացնելու և այնտեղից ռուս խաղաղապահներին դուրս բերելու անհրաժեշտության մասին Մոլդովայի վարչապետ Դորին Ռեչանի խոսքերը, փոխանցում է ՏԱՍՍ-ը։
Պեսկովը նշել է, որ Ռուսաստանի Դաշնությունը մնում է պատասխանատու կողմ Մերձդնեստրի կարգավորման հարցում և շարունակում է համապատասխան գործառույթներ իրականացնել այս ոլորտում։
«Իհարկե, ես կցանկանայի մեր մոլդովացի գործընկերներին խորհուրդ տալ շատ ու շատ զգույշ լինել նման հայտարարություններում»,- ասել է նա։
Պեսկովը Մոսկվայի և Քիշնևի ներկայիս հարաբերությունները լարված է գնահատել։
Հավելենք, որ Մոլդովայի վարչապետ Դորին Ռեչանն ավելի վաղ հայտարարել էր, որ Մերձդնեստրը պետք է ապառազմականացվի, իսկ ռուսական զորքերը հեռանան։
Տաթև Ֆռանգյան
