14.01.2025 | 16:32
Անտոնիու Կոշտան հայտնել է ՀՀ-ի հետ գործընկերությունն ամրապնդելու ԵՄ հանձնառության մասին
ՌԴ-ն ու Թուրքիան առաջիկայում կարող են քննարկել հացահատիկային գործարքը
Քաղաքականություն
20.02.2023 | 23:13
Թուրքիան և ՌԴ-ն բարձրագույն մակարդակով կարող են քննարկել հացահատիկային գործարքը, սակայն բանակցությունների կոնկրետ օր դեռ հայտնի չէ։ Այս մասին ՌԻԱ Նովոստիին հայտնել է բանակցություններին ծանոթ աղբյուրը։
«Երկու երկրների առաջնորդների միջև հաստատվել են փոխվստահության վրա հիմնված հարաբերություններ: Հացահատիկի գործարքի թեման, այս առնչությամբ առաջարկները միշտ առաջնորդների օրակարգում են: Այդ պատճառով, բացառված չէ, որ առաջնորդներն առաջիկայում այդ թեման քննարկեն բանակցություններում՝ հաշվի առնելով, որ գործընթացում կա նոր բաղադրիչ»,- ասել է լրատվամիջոցի աղբյուրը։
Հարցին, թե ե՞րբ կարող են տեղի ունենալ այդ բանակցությունները, աղբյուրը նշել է, որ «ժամկետների վերաբերյալ ստույգ տվյալներ չունի»։
Հացահատիկային գործարքը, հիշեցնենք, կնքվել էր 2022 թվականի հուլիսի 22-ին՝ Թուրքիայի, ՌԴ-ի, ՄԱԿ-ի և Ուկրաինայի միջև, որը ենթադրում է ուկրաինական հացահատիկի արտահանումը Սևծովյան նավահանգիստներով։
Էմմա Չոբանյան
