21.01.2026 | 23:30
Ինչ իրավիճակ է Հայաստանի ճանապարհներին և Լարսում
Գեներալ Մանվելին պետք է գցել իր վանդակներից մեկը և կերակրել զինվորից խլված պահածոներով․ Արցախի ԱԺ պատգամավոր. ՏԵՍԱՆՅՈՒԹ
Քաղաքականություն
18.06.2018 | 20:23
Այսօր` հունիսի 18-ին, Արցախի պետական համալսարանը , ԱՀ ԱԺ խմբակցություններին հրավիրել է հանրապետության ներքաղաքական իրավիճակի վերաբերյալ հանդիպում-քննարկման ԱրՊՀ պրոֆեսորադասախոսական կազմի հետ։ Հանդիպման ժամանակ ԱԺ պատգամավորներ Ռոմելա Դադայանը («Հայրենիք» խմբակցության քարտուղար), Վարդգես Բաղրյանը («Ժողովրդավարություն» խմբակցության ղեկավար) և Դավիթ Իշխանյանը («Դաշնակցություն» խմբակցության ղեկավար) իրենց տեսակետներն են հայտնել Արցախում վերջին շրջանում տեղի ունեցող իրադարձությունների շուրջ, ապա պատասխանել ներկաների հարցերին:
Նախագահական վերջին երեք ընտրությունների ժամանակ նշված երեք կուսակցությունները սատարել են գործող նախագահ Բակո Սահակյանին: ԱրՊՀ դասախոս Դավիթ Կարաբեկյանը իր հարցերով դիմել է պատգամավորներին Արցախում տեղի ունեցող բողոքի ակցիաների, պետնախարարի հրաժարականի և կրթության վերաբերյալ: Ռոմելա Դադայանը նախքան հարցերին անդրադառնալը խոսել է նաև գեներալ Մանվել Գրիգորյանի շուրջ բարձրացած աղմուկի, նրա ձեռբակալության և Արցախի հերոս լինելու մասին:
«Ի՞մ տեսակետն եք ուզում իմանալ: Ես երեխաների գրած նամակից շապիկ կկարեի, այն վանդակներից մեկը կազատագրեի, պատվավոր տեղ կհատկացնեի և այն պահածոյի տուփերը, որ զինվորից են խլված, դրանք էլ կեր կսարքեի նման մարդու համար»,-իր կարծիքն է հայտնել Ռոմելա Դադայանը:
«Դաշնակցություն» խմբակցության ղեկավար Դավիթ Իշխանյանն իրավիճակից դուրս գալու իրենց տեսակետն է հայտնել: «Դաշնակցությունը բավական երկար և բուռն քննարկումներ է ծավալել անցած երկու շաբաթներում: Նախ պետք է ասել, որ մեր պետականության, Արցախի հանրապետության նկատմամբ քաղաքական լուրջ դիվերսիա է իրականացվում: Շատ լուրջ վտանգված է մեր պետականությունը, մեր սուբյեկտայնությունը: Մենք նախագահին ուղղակի առումով փոխանցել ենք, որ որևէ առումով, որևէ առիթով երկրի նախագահի հրաժարականը չպետք է լինի: Որովհետև դրան հետևելու են մի շարք քաղաքական գործընթացներ, այդ գործընթացներն ուղղակիորեն մեր գնահատմամբ ունեն արտաքին միջամտություն, որի արդյունքում կարող ենք մենք լուրջ խնդիրների առջև կանգնել»,- ասել է Դավիթ Իշխանյանը:
Մարութ Վանյան. Ստեփանակերտ
