28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
ԲԱՆԱՎԵՃ․ Նոր զարգացումներ՝ Հայաստան-Թուրքիա կարգավորման պրոցեսում․ ի՞նչ արդյունքներ սպասել
Քաղաքականություն
17.02.2023 | 20:02
Հայաստանի և Թուրքիայի հարաբերություններում նոր զարգացումներ են տեղի ունենում։ Թուրքիայում տասնյակ-հազարավոր զոհերի հանգեցրած աղետալի երկրաշարժը առիթ դարձավ, որ շուրջ 30 տարի անգործության մատնված Մարգարայի կամրջով կրկին ավտոմեքենաներ անցնեն։
Հումանիտար բեռներ ուղարկելուց բացի՝ շուրջ 10 օր Թուրքիայում որոնողափրկարարական աշխատանքներին մասնակցեցին նաև հայ փրկարարները։ Թուրքիայի ԱԳ նախարարության շենքի առաջ հայտնվեցին նաև Հայաստանի դրոշներ։ ԱԳ նախարար Արարատ Միրզոյանի և բանագնաց Ռուբեն Ռուբինյանի պատվիրակությունը բանակցություններ անցկացրեց Թուրքիայի դիվանագետների հետ։ ԱԳ նախարար Չավուշօղլուն ասաց՝ Հայաստանի մարդասիրական քայլը կաջակցի նաև Ադրբեջանի, Թուրքիայի ու Հայաստանի հարաբերությունների կարգավորման գործընթացին։ Իսկ ահա Արարատ Միրզոյանը տեղեկացրեց, որ համաձայնություն է կայացվել համատեղ ջանքերով վերանորոգելու Անիի կամուրջը, ինչպես նաև հոգ տանել համապատասխան ենթակառուցվածքների մասին սահմանի ամբողջական բացմանն ընդառաջ։
Ի՞նչ հետագա զարգացումներ սպասել Հայաստան-Թուրքիա կարգավորման պրոցեսում։ Factor TV-ի կազմակերպած քննարկմանը մասնակցում են Երևանի մամուլի ակումբի նախագահ Բորիս նավասարդյանը, քաղաքագետ Սամվել Մելիքսեթյանը, պատմաբան Հայկ Դեմոյանը, քաղաքագետ Սուրեն Պետրոսյանը։
