22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
ԱՄՆ Պետքարտուղարությունը մտահոգված է Վրաստանում օտարերկրյա գործակալների մասին օրենքի հնարավոր ընդունմամբ
Քաղաքականություն
17.02.2023 | 19:26
ԱՄՆ Պետքարտուղարությունը մտահոգված է Վրաստանում օտարերկրյա գործակալների մասին օրենքի հնարավոր ընդունմամբ՝ զգուշացնելով, որ «այն կխեղդի անկախ ձայները երկրում», փոխանցում է Նովոստի Գրուզիան։
«Մենք այս մտահոգություններով կիսվել ենք Վրաստանի կառավարության հետ։ Առաջարկվող օրենքը կբացառի և կլռեցնի Վրաստանի քաղաքացիների անկախ ձայնը, ովքեր ձգտում են ավելի լավ ապագա ստեղծել իրենց հասարակության համար: Մենք կարծում ենք, որ նման օրենքը պոտենցիալ վտանգ կստեղծի Վրաստանի եվրատլանտյան ինտեգրման համար»,- ասել է Պետքարտուղարության ներկայացուցիչ Նեդ Փրայսը:
Նա հերքել է այն պնդումները, թե Վրաստանում օրինագծի մշակման ժամանակ օգտագործվել է ամերիկյան փորձը։
«Մեղադրանքներն այն մասին, որ այս օրինագիծը հիմնված է ԱՄՆ օտարերկրյա գործակալների գրանցման ակտի (FARA) վրա, ակնհայտորեն կեղծ են։ Այս օրինագիծը, ըստ երևույթին, հիմնված է Ռուսաստանի և Հունգարիայի նմանատիպ օրենքների վրա [ոչ FARA-ի կամ որևէ ԱՄՆ օրենքի]»,- ասել է նա:
«Օտարերկրյա ազդեցության թափանցիկության մասին» նախագիծը Վրաստանի խորհրդարան է ներկայացրել «Ժողովրդի իշխանություն» շարժումը, որը ստեղծվել է մի խումբ պատգամավորների կողմից, որոնք անջատվել են Վրաստանի իշխող կուսակցությունից, սակայն նրա հետ միասին մնացել են խորհրդարանական մեծամասնությունում։
Տաթև Ֆռանգյան
