15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
ՊՆ նախկին շենքի բանկիչներին ժամանակավոր կեցության ապահովման ուղղությամբ աշխատանքներ են տարվում․ Սոցապնախարարություն
Հասարակություն
16.02.2023 | 16:26
«Երևան-Աշտարակ մայրուղու վրա գտնվող ՊՆ նախկին վարչական համալիրի բնակիչներին տեղափոխելու մտահոգությունների առնչությամբ տեղեկացնում ենք, որ ՀՀ աշխատանքի և սոցիալական հարցերի նախարարությունն իր լիազորությունների շրջանակում անհրաժեշտ աշխատանքներ է իրականացնում վերոնշյալ շենքում բնակվող քաղաքացիների ժամանակավոր կեցության ապահովման ուղղությամբ»,- ասված է ՀՀ աշխատանքի և սոցիալական հարցերի նախարարության տարածած հաղորդագրությունում։
Նշվում է, որ նախարարությունն այս պահին քննարկում է նաև իրականացնել վարձավճարի փոխհատուցման ծրագիր՝ չափորոշիչներին համապատասխանող քաղաքացիների կեցության ապահովման նպատակով։
«Տեղեկացնում ենք նաև, որ ԱՍՀ նախարարության կողմից մինչ այժմ արդեն իսկ մեկնարկել էր տվյալ շենքի բնակիչների կարիքների նախնական գնահատում, սակայն ամփոփ պատկեր ստանալու համար անհրաժեշտ է վերջիններիս կողմից համագործակցություն ևս։
Այսպիսով, հորդորում ենք ՊՆ նախկին վարչական համալիրի բնակիչներին դիմել Միասնական սոցիալական ծառայության տեղում աշխատող սոցիալական աշխատողներին կամ ՄՍԾ ցանկացած տարածքային կենտրոն»,- ասված է հաղորդագրությունում։
Հիշեցնենք, որ Factor.am-ը առավոտյան ուղիղ հեռարձակմամբ լուսաբանել էր, թե ինչպես էին ոստիկանները փորձում ՊՆ նախկին վարչական համալիրի տարածքից փորձում հեռացնել բնակիչներին, որոնք, ըստ պաշտոնական հաղորդագրության, հաստատվել են ապօրինի։
