09.09.2026 | 13:46
Իրանը հայտնել է, որ Հորմուզի նեղուցում ամերիկյան ստորջրյա անօդաչու սարք կալանել․ՏԵՍԱՆՅՈՒԹ
«Ո՞վ եք դուք», «քո սեփականությո՞ւնն է»․ վիճաբանություն քաղաքացու և ոստիկանների միջև․ ՏԵՍԱՆՅՈՒԹ
Հասարակություն
16.02.2023 | 16:21
Այսօր վաղ առավոտից ՊՆ նախկին շենքի մոտ լարված իրավիճակ էր: Ոստիկանները դուրս հանեցին այդ շենքում տարիներ շարունակ բնակություն հաստատած քաղաքացիներին:
«Ո՞ր օրենքով եք եկել տնից հանում, ի՞նչի համար եք հանում»,- բնակիչներից մեկն այս ասելով՝ վեճի բռնվեց ոստիկանների հետ։
«Քո սեփականությո՞ւնն է։ Սա պետական տարածք է»,- պարզաբանեց ոստիկաններից մեկը։
«Պետական տարածք չէ։ Հանում եք, գնացեք Լաչինի միջանցքով անցեք, ոչ թե եկեք կռվող տղերքին տնից հանեք։ Ո՞վ եք դուք, արա՛, հայ եք թե թուրք»,-վրդովված նշեց քաղաքացին։
Ոստիկանները հորդորեցին իրենց ուղեկցությամբ մտնել տուն, առաջին անհրաժեշտության իրերը վերցնել և հեռանալ։
Նշենք, որ կառավարությունը 2022 թվականի մայիսին շենքը փոխանցել է Հայաստանի պետական եկամուտների կոմիտեի հաշվեկշռին։ 2022 թվականի սեպտեմբերից քիչ–քիչ շենքում ընտանիքներ են հայտնվել (հիմնականում սոցիալապես անապահով խավի ներկայացուցիչներ)։
Աշխատանքի և սոցիալական հարցերի նախարարությունը ՊՆ նախկին շենքի բնակիչներին հորդորում է դիմել Միասնական սոցիալական ծառայություն։ Նախարարությունը հաղորդագրություն է տարածել, ըստ որի՝ իր լիազորությունների շրջանակում անհրաժեշտ աշխատանքներ է իրականացնում Երևան-Աշտարակ մայրուղու վրա գտնվող ՊՆ նախկին վարչական համալիրի բնակիչներին ժամանակավոր կեցության ապահովման ուղղությամբ։
Մանրամասները՝ տեսանյութում։
