20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ճապոնական հետախուզությունը հայտնել է Ուկրաինայում ավելի քան 20 ռուս գեներալի մահվան մասին
Քաղաքականություն
09.02.2023 | 21:49
Անցյալ տարվա փետրվարից Ուկրաինայի մարտերում ավելի քան 20 ռուս գեներալ է զոհվել։ Այս մասին հայտնում է Nikkei Asia պարբերականը՝ հղում անելով ճապոնական հետախուզական տվյալներին, որոնք ստացվել են ԱՄՆ-ի և Եվրոպայի հետախուզական ծառայությունների հետ համագործակցությամբ։
Բարձրաստիճան սպաների զանգվածային մահն անսովոր է Արևմուտքի համար և կարող է վկայել ռուսական բանակի թուլության մասին, ասվում է հրապարակման մեջ։ Նյութում կորուստների ցանկը չի նշվում, մահացածների անունները չեն նշվում։
Չորս ռուս գեներալների մահվան մասին տեղեկությունը հայտնվել է բաց աղբյուրներում, վկայում է Mediazona-ի մոնիթորինգը։ Նրանցից մեկը՝ 63-ամյա գեներալ-մայոր Կոնամատ Բոտաշևը, մահվան պահին պաշտոնապես թոշակի է անցած եղել, ըստ երևույթին, ծառայել է «Վագների» ավիացիայում։
Ավելի վաղ ռազմական փորձագետները նշել էին, որ ռուսական բանակում բարձրաստիճան սպաների մահվան համեմատաբար մեծ մասնաբաժինը պայմանավորված է նրանով, որ նրանք պետք է իրենք վերահսկեն մարտադաշտում մարտերը։ Սա, մի կողմից, կարելի է բացատրել հրամանատարության ցածր կազմակերպվածությամբ, մյուս կողմից՝ ռուսական բանակի կառուցվածքով՝ ավագ սպաների համեմատաբար մեծ թվով։
Nikkei-ը նշում է, որ գեներալների մահը կարելի է բացատրել նաև էլեկտրոնային հետախուզության ոլորտում Ուկրաինայի գերազանցությամբ և ռուսական բանակի կողմից վերահսկվող Ուկրաինայի տարածքներում ստեղծված իրազեկողների ցանցով։
Տաթև Ֆռանգյան
