Լաչինի միջանցքի արգելափակումը պետք է անհապաղ վերացվի․ Amnesty International-ի կոչը Բաքվին և ռուս խաղաղապահներին

Լուրեր

19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
Բոլորը

Amnesty International միջազգային իրավապաշտպան կազմակերպությունը զեկույց է հրապարակել Լաչինի միջանցքի փակման հետևանքով Արցախում տիրող մարդասիրական ճգնաժամի վերաբերյալ։ Մասնավորապես, իրավապաշտպան կազմակերպությունը կոչ է անում Ադրբեջանի իշխանություններին և ռուս խաղաղապահներին՝ անհապաղ ապաշրջափակել երթուղին և վերջ դնել ծավալվող հումանիտար ճգնաժամին։

«Լեռնային Ղարաբաղը Հայաստանին կապող ճանապարհը 2022 թվականի դեկտեմբերի 12-ից անհասանելի է բոլոր քաղաքացիական և առևտրային երթևեկության համար այն բանից հետո, երբ շրջափակվել է տասնյակ ադրբեջանցի ցուցարարների կողմից, որոնց, ենթադրվում է, լայնորեն աջակցում են երկրի իշխանությունները: Իրավիճակը Լեռնային Ղարաբաղի մոտ 120,000 էթնիկ հայ բնակիչների թողել է առանց առաջին անհրաժեշտության ապրանքների և ծառայությունների, այդ թվում՝ կյանք փրկող դեղամիջոցների և առողջապահական օգնության: Տարածաշրջանի բուժաշխատողների և բնակիչների հետ անցկացված հարցազրույցները բացահայտել են շրջափակման հատկապես կոշտ ազդեցությունը ռիսկային խմբերի վրա, ներառյալ՝ կանայք, տարեցները և հաշմանդամություն ունեցող մարդիկ»,- ասվում է զեկույցում։

«Շրջափակումը հանգեցրել է սննդի և բժշկական պարագաների խիստ պակասի, քանի որ Կարմիր Խաչի միջազգային կոմիտեի և ռուս խաղաղապահների կողմից տրամադրվող մարդասիրական օգնությունը բավարար չէ պահանջարկը բավարարելու համար: Էլեկտրաէներգիայի, բնական գազի և տրանսպորտային միջոցների վառելիքի մատակարարման խափանումները ծայրահեղ դժվարություններ են առաջացնում, հատկապես այն խմբերի համար, որոնք խոցելի են խտրականության համար: Սրան պետք է վերջ դրվի հիմա»,- ասել է Amnesty International-ի Արևելյան Եվրոպայի և Կենտրոնական Ասիայի տնօրեն Մարի Ստրութերսը։

Նա մեղադրել է Ադրբեջանի իշխանություններին և ռուս խաղաղապահներին։

«Ադրբեջանի իշխանությունները միջազգայնորեն ճանաչել են այդ տարածքների ինքնիշխանությունը և վերահսկողություն են իրականացնում այն տարածքի նկատմամբ, որտեղից իրականացվում է շրջափակումը։ Ադրբեջանի պարտավորությունն է՝ ապահովել, որ Լեռնային Ղարաբաղի բնակչությանը չարգելեն սննդամթերքի և առաջին անհրաժեշտության այլ ապրանքների և դեղերի հասանելիությունը: Իր հերթին, ռուսական խաղաղապահ առաքելությանը հանձնարարված է ապահովել Լաչինի միջանցքի անվտանգությունը։ Սակայն երկու կողմերն էլ ակնհայտորեն չեն կատարում իրենց պարտավորությունները»,- ասել է նա։

Զեկույցում նաև մանրամասն ներկայացվում է դեղորայքի և առողջապահական խնամքի հասանելիության բացակայության հետևանքերի մասին, որոնք ներկայացրել են Ստեփանակերտի հիվանդանոցի սրտաբան Վարդան Լալայանն ու նյարդաբան  Բիայնա Սուխուդյանը։

Սննդի և վառելիքի պակասի հետևանքով ստեղծված իրավիճակի մասին էլ պատմել են տեղի բնակիչները։

«Շրջափակումն արդեն իններորդ շաբաթն է, բոլոր հայացքներն ուղղված են Ադրբեջանի իշխանություններին և ռուս խաղաղապահներին: Կոչ ենք անում երկու կողմերին անհապաղ ձեռնարկել արդյունավետ միջոցներ մարդու իրավունքների միջազգային չափանիշներին համապատասխան՝ առանց հապաղելու Լաչինի միջանցքի շրջափակումը վերացնելու և ծավալվող հումանիտար ճգնաժամին վերջ տալու համար»,- ասել է  Մարի Ստրութերսը։

Հավելենք, որ արդեն 60-րդ օրն է՝ Ադրբեջանի իշխանությունները փակ են պահում Լաչինի միջանցքը։

Էմմա Չոբանյան