Տեսանյութեր
08.02.2023 | 18:30Գազաբալոնների վկայագրման գործընթացը շարունակվում է, ցուցանիշները գոհացնող չեն։ Այս մասին այսօր Ազգային ժողովում կառավարության հետ հարցուպատասխանի ժամանակ նշեց ՏԿԵ նախարար Գնել Սանոսյանը։
Նրա խոսքով՝ հանրապետությունում 166 հազար մեքենա է անցել այդ գործընթացով, մոտ 62 հազար ավտոմեքենա էլ հերթագրման պրոցեսում է։
«Ունենք արդեն 82 կայան, որոնք ունեն բավարար բաշխվածություն, ինչը վարորդների համար հեշտացնում է գազաբալոնների վկայագրման գործընթացով անցնելը»,- նշեց Սանոսյանը։
ՏԿԵ նախարարը հայտարարեց, որ 2023թ․ փետրվարի 25-ից տեխզննում չեն կարողանա անցնել այն ավտոմեքենաները, որոնց գազաբալոնային համակարգը ստուգված և վկայագրված չէ։
Սանոսյանը նաև տեղեկացրեց, որ 166 հազար մեքենայի ստուգման արդյունքում խոտանվել է մոտ 4800 բալոն, որոնց մեծ մասը եղել են ժամկետանց, և ավելի քան 300 բալոն հենց ստուգման ընթացքում պայթել է կամ վնասվել։
Մանրամասները՝ տեսանյութում։
