09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
Ռուսական «Գազպրոմի»-ի և ադրբեջանական SOCAR-ի ղեկավարները հանդիպել են
07.02.2023 | 23:17
Ռուսական «Գազպրոմ»-ի խորհրդի նախագահ Ալեքսեյ Միլլերն աշխատանքային հանդիպում է ունեցել Ադրբեջանի պետական նավթագազային ընկերության՝ SOCAR-ի նախագահ Ռովշան Նաջաֆի հետ, գրում են ադրբեջանական լրատվամիջոցները։
«Կողմերը քննարկել են ընկերությունների միջև փոխգործակցության ընթացքը, ինչպես նաև համագործակցության զարգացման հնարավոր ուղղությունները»,- ասվում է «Գազպրոմի»-ի հաղորդագրության մեջ։
Ադրբեջանն ու Ռուսաստանը ներկայում համագործակցում են բնական գազի սեզոնային փոխանակման ոլորտում։
Հավելենք, որ երկու ընկերներությունների ղեկավարները հանդիպել էին նաև 2022 թվականի նոյեմբերին։
Ռուսական ընկերությունն ավելի վաղ հայտնել էր, որ այս ձմռանը կարող է Ադրբեջանին մատակարարել մինչև 1 միլիարդ խորանարդ մետր գազ:
«Նոյեմբերի 15-ին գազի առքուվաճառքի նոր պայմանագրով սկսվել են ռուսական գազի մատակարարումներն Ադրբեջան։ Փաստաթուղթը ստորագրվել է «Գազպրոմ Էքսպորտ» ՍՊԸ-ի և SOCAR-ի միջև։ Առաքումները կիրականացվեն 2023 թվականի մարտից։ Մատակարարումների ծավալը կազմում է մինչև 1 մլրդ խորանարդ մետր»,- ասվում էր ընկերության հայտարարության մեջ։
Էմմա Չոբանյան
