07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Թուրքիայում 4 մարդու են ձերբակալել երկրաշարժի մասին սոցցանցերում «սադրիչ» հրապակումների համար
Քաղաքականություն
07.02.2023 | 21:46
Թուրքիայի անվտանգության գլխավոր տնօրինությունը հաղորդագրություն է տարածել՝ Թուրքիայի հարավ-արևելքում 7,7 և 7,6 մագնիտուդով երկու խոշոր երկրաշարժերի մասին սոցցանցերում գրառումների հետ կապված, գրում է Duvar-ը։
Նշվում է, որ բացահայտել են 90 օգտատիրոջ, որոնք «սադրիչ գրառումներ են արել՝ վախ ու խուճապ տարածելու համար»։ Նրանց անունները փոխանցվել են համապատասխան գերատեսչություններին։
Անվտանգության ուժերը Դատախազության հանձնարարականով նշված օգտատերերից 4-ին բերման են ենթարկել։
Թուրքիայի ֆինանսների նախարար Նուրեդդին Նեբաթին հայտարարել է, որ «ամեն ինչ վերահսկվում է՝ բացի սոցցանցերում տարածվող կեղծ լուրերից»։ Սակայն տուժած 10 նահանգներում հազարավոր մարդիկ նշել են, որ իրենց շատ ավելի մեծ օգնություն և աջակցություն է պետք։
Երկրաշարժից տուժած տարածաշրջանում ապրում է 5 միլիոն մարդ։ Թուրքիայի տասը տուժած նահանգների բնակչությունը գերազանցում է 13 միլիոնը։
Հավելենք, որ Թուրքիայի նախագահ Ռեջեփ Թայիփ Էրդողանը նախօրեին հայտարարել էր, որ սա երկրի ամենամեծ աղետն է 1939 թվականից ի վեր։
Էմմա Չոբանյան
