16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՄ-ն Ուկրաինային 25 մլն եվրո կհատկացնի ականազերծման համար
Քաղաքականություն
03.02.2023 | 22:43
Եվրամիությունը Ուկրաինային 25 մլն եվրո կհատկացնի ազատագրված տարածքների ականազերծման համար։ Այս մասին պաշտոնապես հայտարարել է ԵՄ բարձրագույն դիվանագետ Ժոզեպ Բորելը Կիևում ԵՄ-Ուկրաինա գագաթնաժողովի ժամանակ։ Նա ընդգծել է, որ Բրյուսելի համար առաջնահերթություն է խաղաղ բնակչության պաշտպանությունը, գրում է DW-ի ռուսական ծառայությունը։
Ֆինանսավորումը ներառում է սարքավորումներ ականազերծմամբ զբաղվող ուկրաինական պետական օպերատորների համար և աջակցություն ուկրաինական իշխանություններին ականազերծման գործողությունների ոլորտն արդյունավետ կառավարելու համար:
Իր հերթին Եվրահանձնաժողովի նախագահ Ուրսուլա ֆոն դեր Լեյենը Twitter-ում գրել է, որ ԵՄ-ն Ուկրաինային կտրամադրի 35 միլիոն էներգաարդյունավետ LED լամպեր։ Նրա խոսքով՝ ուկրաինացիները փոստային բաժանմունքում կարող են փոխանակել իրենց հին լամպերը LED լամպերի հետ։
«Խնայված էներգիայի յուրաքանչյուր կիլովատն արժեքավոր է Ռուսաստանի էներգետիկ պատերազմին հակազդելու համար»,- ասել է ֆոն դեր Լեյենը։
Տաթև Ֆռանգյան
