07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Պետք է բացահայտվեն այն անձինք, որոնք դարձել են պարտության պատճառը. Արգիշտի Քյարամյանը՝ քննիչներին. ՏԵՍԱՆՅՈՒԹ
Հասարակություն
01.02.2023 | 21:49
Կա հասարակական մեծ պահանջ, որ բացահայտվեն այն անձինք, ովքեր դարձել են պարտության պատճառ, և որ բացահայտվեն այն հանգամանքները, որոնց արդյունքում մենք պարտվել ենք: Այս մասին Քննչական կոմիտեի կոլեգիայի այսօրվա ընդլայնված նիստում նշեց Քննչական կոմիտեի նախագահ Արգիշտի Քյարամյանը՝ անդրադառնալով 44-օրյա պատերազմին։
«Ձեր կատարածի արդյունքում վերջիվերջո պետք է բացահայտվեն այն հանգամանքները, որոնց արդյունքում մենք պարտվել ենք: Դա ոչ միայն մեզ համար, Կառավարության կամ պետության համար է կարևոր, այլ նաև կարեւոր է պատմության, մեր ազգի, ժողովրդի համար»,- նշեց ՔԿ նախագահը:
ՔԿ նախագահը հանձնարարել է առանձնահատուկ ուշադրություն դարձնել դատավարական ժամկետների պահպանման վրա։ Նրա խոսքով՝ պետք է որոշակի ժամկետային սահմանափակումներ դնել այդ գործերի քննության հանգամանքում. «Չնայած գործի բարդությանը և շատ մեծ քանակով ապացուցողական գործողություններ կատարելու անհրաժեշտությանը, այնուամենայնիվ, մենք պետք է որոշակի ժամկետային սահմանափակումներ դնենք այս գործերի քննության հանգամանքում: Պետք է հասկանանք, որ անսահման չէ ժամանակը: Այն ակնկալիքները, որ ունի հանրությունը և Քննչական կոմիտեն այս գործի քննության ընթացքի վերաբերյալ, պետք է կարճ ժամանակում բավարարվեն։ Այնպես որ պետք է ուժերի գերլարումով աշխատենք»:
Մանրամասները՝ տեսանյութում։
