16.01.2026 | 16:09
Սոցփաթեթի գումարները կանխիկացնելու նոր տարբերակներ կգործեն․ ՏԵՍԱՆՅՈՒԹ
ԻԼԻՊ-ը սպառնո՞ւմ է Թուրքիայի հայ համայնքի ղեկավարներին․ Պետրոս Շիրինօղլուն զգուշացում է ուղարկել
Քաղաքականություն
01.02.2023 | 22:01
Թուրքիայի հայկական հիմնադրամների միության ղեկավար ու Սուրբ Փրկիչ ազգային հիվանդանոցի հիմնադրամի նախագահ Պետրոս Շիրինօղլուն նախազգուշացրել է հայ համայնքի ղեկավարներին ԻԼԻՊ-ի կողմից Թուրքիայում հոգևոր առաջնորդների հնարավոր սպանությունների մասին, հայտնում է Halk TV լրատվական կայքը,որին վկայակոչում է Turkish minute-ը։ Նա դիմել է հայ համայնքի ղեկավարներին՝ երկու-երեք ամիս ձեռնպահ մնալ հանրային ցույցերին և մշակութային միջոցառումներին մասնակցելուց՝ որպես նախազգուշական միջոց, քանի որ նա լուրեր է լսել, որ ԻԼԻՊ-ի երեք զինյալներ մտել են Թուրքիա՝ հոգևոր կամ քաղաքացիական առաջնորդներին սպանելու համար։
«Ես չեղարկել եմ փետրվարի 6-ի մեր հանդիպումը։ Ես խորհուրդ եմ տալիս որևէ ասոցիացիայի որևէ գործունեությամբ չզբաղվել,քանի դեռ չեն բռնել նրանց»,-ասել է Շիրինօղլուն։
Նա նշել է,որ չի նյարդայնանում այդ ամենից, քանի որ ոստիկանությունն ուժեղացրել է իր պաշտպանությունը և իր թիկնապահներին հայտնել է անվտանգության սպառնալիքի մասին։
Ստամբուլի ոստիկանությունը չի հաստատել է հարձակումների նախազգուշացման մասին տարածված տեղեկությունները։
Էմմա Չոբանյան
