11.04.2026 | 18:39
Հայաստանի անվտանգությունն ուժեղանալու է, հաստատվելու է ուժեղ խաղաղություն․ Արթուր Ավանեսյան․ ՏԵՍԱՆՅՈւԹ
Եվրոգոտում գնաճի տեմպը հունվարին դանդաղել է․ Bloomberg
Քաղաքականություն
01.02.2023 | 23:14
Եվրոստատի տվյալներով՝ եվրոգոտում գնաճի տեմպը սպասվածից դանդաղել է։ Հունվարին այդ ցուցանիշը կազմել են 8,5 տոկոս։ Սա ավելի քիչ է, քան տնտեսագետները կանխատեսում էին (8,9%), գրում է Bloomberg-ը: Այսպիսով, գնաճը դանդաղել է դեկտեմբերի 9,2%-ի համեմատ և ամենացածրն է եղել 2022 թվականի մայիսից ի վեր։
Հաղորդվում է, որ այս ցուցանիշը Եվրոպական կենտրոնական բանկում սուր քննարկումների առիթ կտան տոկոսադրույքների սահմանման շուրջ։
Ավելի վաղ Եվրոպական կենտրոնական բանկի նախագահ Քրիստին Լագարդը նախազգուշացրել էր, որ «ուժեղ հիմքեր կան ենթադրելու», որ գնաճը կարող է ավելի բարձր լինել 2023 թվականի առաջին երկու ամիսներին։
Միաժամանակ, տնտեսական ֆոնի բարելավումը կարող է մեծացնել գնային ճնշումը։ Թարմ տվյալները ցույց են տալիս, որ եվրոտարածաշրջանի տնտեսությունը կխուսափի ռեցեսիայից․ արտադրությունը վերականգնվում է, իսկ գործազրկության մակարդակը դեկտեմբերին պահպանվում է ռեկորդային ցածր մակարդակի վրա։
Տաթև Ֆռանգյան
