15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Նեթանյահուն դիտարկում է Ուկրաինային ռազմական օգնության հնարավորությունը
Քաղաքականություն
01.02.2023 | 23:21
Իսրայելի վարչապետ Բենիամին Նեթանյահուն հայտարարել է, որ իր կառավարությունը չի բացառում Ուկրաինային ռազմական օգնության տրամադրման հնարավորությունը։ Ավելի վաղ Իսրայելը պնդում էր, որ մտադիր է սահմանափակվել հումանիտար օգնությամբ, որը երկիրը տրամադրում է Ուկրաինային պատերազմի առաջին օրերից, գրում է BBC-ի ռուսական ծառայությունը։
Նա նշել է, որ պատրաստ են դիտարկել նույնիսկ նորագույն «Երկաթ գմբեթ» ՀՕՊ համակարգերի մատակարարումը, չնայած նախկինում իսրայելական կողմը պնդում էր, որ համակարգը նախատեսված չէ օգտագործել այնպիսի մեծ մակերես ունեցող երկրների տարածքներում, ինչպիսին Ուկրաինան է։
Նեթանյահուն կոնկրետ խոստումներ չի տվել, բայց նաև ասել է, որ պատրաստ է միջնորդել հակամարտությունում, եթե պատերազմող կողմերն ու ԱՄՆ-ը համաձայնեն դրան։ Նրա խոսքով՝ պատերազմի սկզբնական փուլում իրեն արդեն դիմել են նման առաջարկով, սակայն այն ժամանակ նա եղել է ընդդիմության առաջնորդը և միջնորդի դեր չի ստանձնել։
Բացի այդ, ըստ Իսրայելի վարչապետի՝ իր երկիրը անուղղակիորեն օգնում է Իրանում իր գործողություններով, որը ՌԴ-ին զենք է մատակարարում։
Էմմա Չոբանյան
