28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Էրմիտաժի էկրաններին Բուչայի մասին հաղորդագրություն է հայտնվել. իշխանությունները փնտրում են հաքերներին
Քաղաքականություն
31.01.2023 | 22:40
Հունվարի 29-ին, ժամը 16:00-ին, անհայտ անձինք կոտրել են Էրմիտաժի էլեկտրոնային ցուցատախտակի համակարգը և թանգարանի էկրաններին ցուցադրել 2022 թվականի գարնանը ռուսական օկուպացիայի ժամանակ ուկրաինական Բուչայում տեղի ունեցած սպանդի մասին հաղորդագրություն, գրում է Fontanka.ru-ն: Թե կոնկրետ ինչ է ցուցադրվել էկրաններին, չի նշվում։
Սանկտ Պետերբուրգի թանգարանի աշխատակիցները նույն օրը երեկոյան դիմել են ոստիկանություն։ Նրանք փնտրում են հաքերներին, իսկ Ռուսաստանի Քննչական կոմիտեում քննարկում են, թե ինչպես է պետք որակել կատարվածը։
Հիշեցնենք՝ անցյալ տարվա փետրվարի վերջին՝ ներխուժման հենց սկզբում, ռուսական զորքերը գրավեցին Կիևի շրջանի Բուչա քաղաքը։ Ազատագրումից հետո քաղաքում և հարակից գյուղերում հայտնաբերվեցին զանգվածային գերեզմաններ։ Միայն Բուչայում հայտնաբերվել էր 458 մահացածի մարմին, այդ թվում՝ 9 երեխայի։
