08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կրեմլում Պուտինի ու Էրդողանի հարաբերությունները «առանձնահատուկ» են անվանել
Քաղաքականություն
30.01.2023 | 15:42
ՌԴ-ի ու Թուրքիայի նախագահներ Վլադիմիր Պուտինին ու Ռեջեփ Թայիփ Էրդողանին կապում են «առանձնահատուկ հարաբերությունները», որոնք հիմնվում են փոխադարձ վստահության և հարգանքի վրա։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է Gazeta-ն։
«Գիտեք, որ նախագահ Պուտինը և նախագահ Էրդողանը հատուկ հարաբերություններ ունեն: Դրանք իսկապես հիմնված են փոխադարձ վստահության, փոխադարձ հարգանքի և իրենց ստանձնած պարտավորությունների նկատմամբ հավատարմության վրա: Եվ սեփական խոսքերը, պարտավորությունները կատարելու կարողությունը գնահատվում է փոխադարձաբար»,-ասել է Պեսկովը։
Հավելենք, որ Էրդողանը նախօրեին հայտարարել էր, որ Մոսկվայի հետ հարաբերությունները կառուցված են փոխադարձ հարգանքի վրա։
«Մեր հարաբերությունները Ռուսաստանի հետ կառուցված են փոխադարձ հարգանքի վրա։ Իմ հարաբերությունները պարոն Պուտինի հետ հիմնված են ազնվության վրա»,-ասել էր Թուրքիայի նախագահը։
Էմմա Չոբանյան
