05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Ռուսաստանին ոչինչ պետք չէ արևմտյան երկրներից․ ՌԴ ԱԳՆ
Քաղաքականություն
30.01.2023 | 15:21
Ռուսաստանին ոչինչ պետք չէ արևմտյան երկրներից, սակայն «ՆԱՏՕ-ն զոմբիացնում է հարևան երկրները ռուսաֆոբ սարսափ պատմություններով»։ Այսպիսի հայտարարություն է արել ՌԴ փոխարտգործնախարար Սերգեյ Ռյաբկովը ՌԻԱ Նովոստիին տված հարցազրույցում, որը հրապարակվել է երկուշաբթի՝ հունվարի 30-ին։
«Արևմուտքից մեզ ոչինչ պետք չէ։ Մենք ուզում ենք, որ մեզ հանգիստ թողնեն, բայց ՆԱՏՕ-ն, իր հերթին, մոլագար համառությամբ, որն ավելի լավ կլիներ այլ ուղղությամբ օգտագործվեր, հետևողականորեն սողաց մինչև Ռուսաստանի սահմանն՝ միևնույն ժամանակ զոմբիացնելով մեր հարևան երկրները՝ ռուսաֆոբ սարսափ պատմություններով»,- ասել է Ռյաբկովը։
Նրա խոսքով, Ռուսաստանը բազմիցս հասկացրել է «թե լավ իմաստով, թե ավելի կոշտ ձեւով», որ անպատասխան չի թողնի Արեւմուտքի նման քաղաքականությունը։ Փոխարտգործնախարարը հայտարարել է, որ Ռուսաստանը բոլոր առկա միջոցներով կհակազդի «Ռուսաստանի Դաշնությանը ռազմավարական պարտության մատնելու ԱՄՆ գծին»։
Տաթև Ֆռանգյան
