05.11.2024 | 20:29
Թուրքիայում նավթավերամշակման գործարանում պայթյուն է տեղի ունեցել․ վիրավորներ կան
ԱՄՆ-ը չի բացառում Ուկրաինային F-16 կործանիչների մատակարարումը
Քաղաքականություն
27.01.2023 | 13:31
ԱՄՆ-ը չի բացառում «որևէ կոնկրետ զենքի համակարգերի մատակարարումն Ուկրաինային»։ Այս մասին հայտարարել է ԱՄՆ նախագահ Ջո Բայդենի խորհրդական Ջոն Ֆայները՝ պատասխանելով MSNBC-ի հարցին՝ արդյո՞ք Վաշինգտոնը դիտարկում է Կիևին կործանիչներ մատակարարելու հարցը, գրում է DW-ի ռուսական ծառայությունը։
Ֆայները նշել է, որ Ուկրաինային օգնությունը տրամադրվելու է նրա պահանջներին համապատասխան։
«Մենք շատ մանրամասն դա կքննարկենք»,- ասել է նա՝ մեկնաբանելով Կիևին կործանիչներ փոխանցելու մասին ուկրաինական կողմի կոչերը։
Ուկրաինա ամերիկյան կործանիչների մատակարարումը չի բացառել նաև ԱՄՆ ՊՆ-ն։
«Մենք հաստատ ոչինչ չենք պատրաստվում հանել օրակարգից»,- ասել է Պենտագոնի խոսնակ Սաբրինա Սինգհը՝ պատասխանելով F-16 կործանիչների հնարավոր փոխանցման մասին հարցին։
«Մենք տրամադրում ենք հակաօդային պաշտպանության համակարգեր, վարժեցնում ենք ուկրաինացիներին՝ Patriot-ի հետ աշխատելու համար։ Մենք տեսանք, թե որքան անհավանական կերպով են նրանք օգտագործում մի շարք օդային հնարավորություններ, որոնք տրամադրում ենք ոչ միայն մենք, այլև այլ երկրները։ Ինչ վերաբերում է հետագա քայլերին, ապա ես չեմ պատրաստվում առաջ անցնել օգնության որևէ փաթեթից, որը դեռևս չի հայտարարվել կամ նախագահի և պաշտպանության նախարարի որոշումներից»,- ասել է խոսնակը։
Հավելենք, որ նախօրեին միջազգային լրատավամիջոցները տեղեկություններ էին հայտնել, որ ՆԱՏՕ-ի երկրներն այժմ քննարկում են Կիևին կործանիչների մատակարարման հնարավորությունը։
Էմմա Չոբանյան
