14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Բայդենը առաջ է քաշում զենքի արգելքի օրինագծի թարմացումը զանգվածային կրակոցներից հետո
Քաղաքականություն
26.01.2023 | 23:21
Քանի որ Կալիֆորնիայում երկու զանգվածային կրակոցներ են տեղի ունեցել ընդամենը օրերի տարբերությամբ, նախագահ Ջո Բայդենը աջակցում է զենքի վերահսկման միջոցառումներին, որոնք ներդրվել են Կալիֆորնիայի դեմոկրատ սենատոր Դիանա Ֆայնշտեյնի կողմից: Բայց ինչպես հայտնում է Սպիտակ տան բյուրոյի ղեկավար Փեթսի Վիդակուսվարան, քանի որ հանրապետականները վերահսկում են Ներկայացուցիչների պալատը, և Գերագույն դատարանը խիստ պահպանողական է, ԱՄՆ-ում զենքի ավելի մեծ վերահսկողության իրավական դաշտը դեռ մշուշոտ է: Այս մասին գրում է «Ամերիկայի ձայն»-ը։
Կալիֆորնիայի Մոնտերեյի այգում զինված անձի կողմից առնվազն 11 մարդու սպանությունից երկու օր հետո կրակոցներ եղան նահանգի երկու այլ վայրերում, ինչի հետևանքով ռնվազն յոթ մարդ մահացել է։
Կալիֆորնիայի նահանգապետ Գևին Նյուսոմի խոսքով՝
իրենք լրջորեն են վերաբերվել այդ դեպքերին՝ ձեռնարկելով տարբեր քայլեր, բայց դաշնային կառավարությունը այդպես չի արել:
Կալիֆոռնիան այն 10 նահանգներից մեկն է, որոնք արգելում են ռազմական ոճի հարձակողական զենքի վաճառքը կամ պահպանումը:
Նահանգի դեմոկրատ սենատոր Դիանա Ֆայնշտեյնը ներկայացնում է օրինագիծ՝ վերականգնելու հարձակողական զենքերի և դաշնային արգելքը և նման զենք գնելու նվազագույն տարիքային շեմը բարձրացնել մինչև 21-ի: Նախագահ Ջո Բայդենը, որպես սենատոր, պաշտպանել է այդ նախագիշը 1994 թվականին, սակայն վերջինիս ժամկետը լրացել է 2004 թվականին։
Ըստ Սպիտակ տան մամուլի քարտուղար Կարինե Ժան-Պիեռի՝
«Վերջին անգամ, երբ մենք գրոհային զենքի արգելք ունեինք՝ շնորհիվ նախագահի և սենատոր Ֆայնշտեյնի ղեկավարության, զանգվածային կրակոցներն իրականում դադարեցվեցին: Սակայն երբ հանրապետականները թույլ տվեցին, որ նախագծի ժամկետը լրանա, զանգվածային կրակոցները եռապատկվեցին»:
Քանի որ հանրապետականները վերահսկում են Ներկայացուցիչների պալատը, օրինագծի ընդունման քիչ հավանականություն կա: Հարցումները ցույց են տալիս, որ հանրապետական ընտրողների մեծ մասը դեմ է զենք կրելու իրավունքի սահմանափակումներին: Եվ քանի որ պահպանողական հակումներ ունեցող Գերագույն դատարանը հունիսին չեղյալ հայտարարեց զենքի անվտանգության մասին օրենքը Նյու Յորքում, մյուս նահանգները նույնպես կարող են նունն անել:
Կոնգրեսի գործողությունների բացակայության դեպքում Բայդենը դիտարկում է ավելի շատ քայլեր գործադիրի կողմից զենքով բռնությունը նվազեցնելու համար:
Անցյալ հունիսին նա ստորագրել էր զենքի անվտանգության մասին օրինագիծը, որն օրենք դարձավ:
