06.06.2026 | 21:10
Ջրափի գյուղի ընտրատեղամասում 3-րդ համարի քվեաթերթիկների տրցակը բացակայում էր․ ըստ ԿԸՀ-ի՝ խնդիրը տեխնիկական է
Ձեր ընթրիքն ընտրելիս հիշեք` ԼՂ 120 000 բնակիչ ընտրելու բան չունի. Մամիջանյանը՝ ԵԽԽՎ անդամներին․ ՏԵՍԱՆՅՈւԹ
Քաղաքականություն
26.01.2023 | 21:26
ՀՀ ԱԺ «Պատիվ ունեմ» խմբակցության ղեկավար, ԵԽԽՎ-ում Հայաստանի խորհրդարանական պատվիրակության անդամ Հայկ Մամիջանյանը Լաչինի միջանցքի շրջափակման մարդասիրական հետևանքների հարցի շուրջ ԵԽԽՎ-ում քննարկման ժամանակ Վեհաժողովի անդամներին հորդորել է հիշել, որ ԼՂ 120․000 բնակիչներ զրկված են տարրական կարիքներւ բավարարելու հնարավորությունից։
«Մեզանից ոմանք այս նիստից հետո կայցելեն Ստրասբուրգի ռեստորաններից մեկը։ Խնդդում եմ՝ ընթրիք ընտրելիս հիշել, որ Լեռնային Ղարաբաղում 120.000 մարդ կարող է իր ընտրությունն անել միայն սովորական մակարոնեղենի ու հնդկաձավարի միջև՝ չկա բանջարեղեն, չկա միրգ, չկա այլ բան: Հարգելի՛ գործընկերներ, երբ կհասնեք ձեր հարմարավետ ու տաքուկ հյուրանոցային համարները՝ սառը քամուց թաքնվելու և նորություններ դիտելու համար, խնդրում եմ հիշել, որ 120.000 հայեր օրական 6-8 ժամ չունեն գազ և էլեկտրականություն։ Նրանք, ովքեր երեխաներ ունեն, խնդրում եմ պատկերացնել, թե ինչ կանեիք, եթե աշխարհում ինչ-որ մեկը խոչընդոտեր ձեր երեխային՝ կրթություն ստանալ, եթե դասասենյակներում այնքան ցուրտ լիներ, որ դպրոցները ստիպված գրեթե մեկ ամսով փակվեին։ Եթե ձեզանից որևէ մեկն օրվա ավարտին գլխացավ ունենա, խնդրում եմ՝ ցավազրկող դեղահաբն ընդունելիս հիշել, որ Արցախում 120.000 հայ դեղամիջոցներ գրեթե չունի»,-հայտարարել է Հայկ Մամիջանյանը։
Մանրամասները՝ տեսանյութում։
