16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
ՀՀ-ն, անվտանգային նկատառումներից ելնելով, պետք է դիվանագիտական հարաբերություններ հաստատի հարևան երկրների հետ․ Լենա Նազարյան
Քաղաքականություն
26.01.2023 | 21:20
ԱԺ ՔՊ խմբակցության պատգամավոր Լենա Նազարյանը կարծում է, որ ՀՀ իշխանությունների անելիքը Լաչինի միջանցքի փակման խնդրով միայն դիվանագիտական ճանապարհով լուծումներ գտնելն է։
«Հայաստանի անելիքն այս դաշտում բացառապես դիվանագիտական ճանապարհով լուծումներ գտնելն է»,- ասել է Լենա Նազարյանն ու հավելել, որ մեր երկրի անվտանգային նկատառումներից ելնելով՝ պետք է դիվանագիտական հարաբերություններ հաստատել հարևան երկրների հետ։։
ՔՊ-ական պատգամավորն այս դիրքորոշումները հայտնել է խորհրդարանում Երևանի Ներսես Մեծի թիվ 124 հիմնական դպրոցի աշակերտների և ուսուցիչների հետ հանդիպման ժամանակ։
Հիշեցնենք, որ ադրբեջանական կողմը կեղծ բնապահպանական խնդիրներ առաջ քաշելով՝ արդեն 46-րդ օր փակ է պահում Արցախի համար կենսական նշանակություն ունեցող Լաչինի միջանցքը՝ 120 հազար արցախցիների համար առաջացնելով հումանիտար լրջագույն խնդիրներ։
