Չավուշօղլուն արձագանքել է ԱՄՆ նախկին պետքարտուղար Պոմպեոյի գրքին՝ նրան մեղադրելով երկակի ստանդարտների համար

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

ԱՄՆ նախկին պետքարտուղար Մայք Պոմպեոյի գրքում տեղ գտած պնդումները չեն արտահայտում տարածաշրջանի իրողությունները և հանդիսանում են «երկակի ստանդարտների» դրսևորում։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Անկարայում Թաիլանդի ԱԳ նախարարի հետ մամուլի ասուլիսում, գրում է Անադոլու գործակալությունը։

Չավուշօղլուն չի բացառել, որ Պոմպեոյի գիրքը գրվել է ԱՄՆ-ում այս քաղաքական գործչի նախընտրական արշավին նպաստելու նպատակով։

«Դիվանագիտական​ լեզվով ասած՝ Պոմպեոյի գրքում առկա պնդումներնը իրականության հետ կապ չունեն։ Դուք դա կարող եք անվանել սուտ: Փաստերի ուռճացում է տեղի ունենում, երկակի ստանդարտներն ակնհայտ են»,- ասել է Չավուշօղլուն։

Նա հիշեցրել է, որ Թուրքիայում հեղաշրջման փորձի գիշերը (2016թ. հուլիսի 15) ԱՄՆ նախկին պետքարտուղարը կիսվել է սկանդալային թվիթով, որը հետո հապճեպ ջնջել է այն։ Ըստ Չավուշօղլուի՝ այդ հրապարակման մեջ խոսվել է Պոմպեոյի կողմից «Ֆեթուլլահ Գյուլենի ահաբեկիչների գործողություններին աջակցելու մասին»։

Նրա խոսքով՝ Միացյալ Նահանգների օրենքներով ահաբեկչական կառույցներին աջակցելը լուրջ հանցագործություն է։

Ինչ վերաբերում է Պոմպեոյի հայտարարություններին, թե թուրքական բանակն ի վիճակի չէ ոչնչացնել ահաբեկիչներին, Չավուշօղլուն հիշեցրել է, որ հենց թուրքական բանակն է Սիրիայում ոչնչացրել ԻԼԻՊ-ի ավելի քան 4500 ահաբեկիչների։

Միևնույն ժամանակ, թուրք նախարարը ուշադրություն է հրավիրել PKK-ի սիրիական թևի՝ YPG-ի հետ ԱՄՆ իշխանությունների սերտ փոխգործակցության վրա, որը շարունակվում է Բարաք Օբամայի նախագահությունից ի վեր։

«Ներկայիս վարչակազմին անհրաժեշտ է շտկել իրավիճակը Սիրիայում»,- ընդգծել է Չավուշօղլուն։

Հավելենք, որ ԱՄՆ նախկին պետքարտուղարն իր գրքում գրում է, որ ստիպված է եղել բառացիորեն ճեղքել թուրքական նախագահական պալատի անվտանգությունը՝ մտնելու սենյակ, որտեղ բանակցում էին Թուրքիայի նախագահ Ռեջեփ Թայիփ Էրդողանը և ԱՄՆ նախկին փոխնախագահ Մայք Փենսը։ Պոմպեոն խոստովանում է, որ որոշել է գնալ այս քայլին, քանի որ անհանգստացած էր, որ Փենսին երեք ժամանոց վավերագրական ֆիլմ են ցուցադրում 2016 թվականի հեղաշրջման փորձի մասին Թուրքիայում։ Նախկին պետքարտուղարը գրում է, որ այդ ֆիլմն իրեն ցուցադրել են թուրք պաշտոնյաները Թուրքիա կատարած իր առաջին այցի ժամանակ։

Էմմա Չոբանյան