16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
ՌԴ-ն համալրումներ է պատրաստում Ուկրաինայում պատերազմի համար, սակայն նրանք հին տեխնիկայով մոբիլիզացվածներն են. բրիտանական հետախուզություն
Քաղաքականություն
26.01.2023 | 21:10
Մեծ Բրիտանիայի ռազմական հետախուզությունն Ուկրաինայի պատերազմի վերաբերյալ ամենօրյա ամփոփագրում նշում է, թե ինչպես է Ռուսաստանը Բելառուսն օգտագործում որպես անձնակազմի պատրաստման բազա, գրում է BBC-ի ռուսական ծառայությունը։
Նշվում է, որ Ռուսաստանը, ըստ երևույթին, ավարտել է Բելառուսում 2-րդ գվարդիական մոտոհրաձգային դիվիզիայի նոր կազմի ուսուցումը, որը սկսվել է 2022 թվականի աշնանը: Դրա մեծ մասը ներկայում տեղափոխվել է հետ՝ ՌԴ, սակայն անկասկած կվերակտիվացվի Ուկրաինայում գործողությունների համար:
Ըստ բրիտանական հետախուզության՝ 2-րդ մոտոհրաձգային դիվիզիան մտնում է 1-ին գվարդիական տանկային բանակի կազմի մեջ և մեծ կորուստներ է կրել հակամարտության սկզբնական փուլում։ Ներկայում այն հիմնականում կազմված է մոբիլիզացվածներից, որոնք հին սարքավորումներ են շահագործում։ Դիվիզիայի մարտունակությունը, ամենայն հավանականությամբ, սահմանափակ կլինի՝ չնայած մի քանի շաբաթ անցկացված պարապմունքներին:
Նշվում է, որ ռուսական այլ ստորաբաժանումներ, հավանաբար, տեղափոխվելու են Բելառուս՝ նման պատրաստման համար, և որ Ռուսաստանը շարունակելու է օգտագործել այդ մոդելը Ուկրաինայում իր անձնակազմի համալրման նպատակով։
Էմմա Չոբանյան
