Պետք է պատրաստ լինել անկանխատեսելի զարգացումների․ Պյոտոր Սվիտալսկի․ ՏԵՍԱՆՅՈՒԹ 

Հայաստանում Եվրոպական միության պատվիրակության ղեկավար, արտակարգ և լիազոր դեսպան  Պյոտր Սվիտալսկին «Արևելյան Գործընկերության ապագան ալեկոծ ժամանակներում» թեմայով  քննարկման ժամանակ, անդրադառնալով Արևելյան գործընկերությանը նշեց, որ այս խորհրդաժողովի վերնագիրը կապված է ալեկոծության հետ, և մենք պետք է սովորենք, որ ալեկոծությունը մեր կյանքի անբաժան մասն է: «Ինչ տեղի է ունենում Հայաստանում վերջին տարիներին, բավականին ալեկոծված է, և դա այդպես էլ մնում է։ Ալեկոծությունը երբեմն կարող է անկայունացնել վիճակը, բայց երբեմն էլ կարող է  իրավիճակը փոխել»,- ասաց դեսպանը։ 

Վերջինս նշեց, որ Արևելյան գործընկերությունը տարածաշրջանում խրախուսում է ճկուն քաղաքականությունը: «Մեզ անհրաժշետ են ճկուն կառուցվածքներ,  որ մեր տնտեսությունն ու հասարակությունը պատրաստ լինեն անկանխատեսելի զարգացումներին։ Դա է Եվրամիության քաղաքականության առանցքը՝ օգնել մեր գործընկերներին պատրաստ լինել անկանխատեսելի զարգացումների։ Պետք է պատրաստ լինել անկանխատեսելի զարգացումների»,- նշեց դեսպանը։ 

Անդրադառնալով  քաղաքական մարտահրավերներին՝ Հայաստանում Եվրոպական միության պատվիրակության ղեկավարը նշեց, որ Արևելյան գործընկերությունը տարածաշրջանի երկրների հետ այս հարցում ունի երկկողմանի օրակարգ, որը առաջնահերթություն է: «Մենք ցանկանում ենք օգնել երկրներին, որպեսզի նրանք կարողանան համագործակցել միմյանց հետ առավել քան երբևէ»,- ասաց դեսպանը։

Մանրամասները՝ տեսանյութում։