08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ինչո՞ւ ռուս խաղաղապահները չեն բացում Լաչինի միջանցքը․ Ռուբեն Վարդանյանի մեկնաբանությունը BBC-ի եթերում
Քաղաքականություն
23.01.2023 | 15:19
Լեռնային Ղարաբաղում ռուս խաղաղապահների թվաքանակը շատ փոքր է, և նրանք զենք կիրառելու մանդատ չունեն։ Այսպես է Արցախի պետնախարար Ռուբեն Վարդանյանը պատասխանել BBC-ի HARDtalk հաղորդման վարողի հարցին, թե ինչո՞ւ ռուս խաղաղապահները չեն բացում Լաչինի միջանցքը և չեն ապահովում դրանով տեղաշարժը։
«Առաջինը, որ պետք է հասկանանք, այն է, որ այստեղ կա ընդամենը 2,000 խաղաղապահ, և նրանք մանդատ չունեն զենք կիրառելու։ Ճանապարհը փակել են «էկոակտիվիստներ»՝ պաշտոնապես քաղաքացիական անձինք։ Բացի այդ, կա 540 կմ սահման, որը պետք է վերահսկեն ռուս զինվորականները։ Առանց պատրանքների՝ սա շատ փոքր թվաքանակ է, և նրանք շատ քիչ են զինված ու զենք կիրառելու որևէ իրավունք չունեն։ Ցանկացած խաղաղապահի համար շատ դժվար կլիներ միջամտել երկու կողմերի միջև»,- ասել է Ռուբեն Վարդանյանը։
Տաթև Ֆռանգյան
