29.10.2026 | 15:19
Իսպանիայում եռօրյա սուգ է սկսվել գնացքների մահաբեր վթարից հետո․ երկրում բողոքի ցույց է անցկացվել
Հալեպում շենքի փլուզումն ավելի քան 12 մարդու կյանք է խլել
Քաղաքականություն
22.01.2023 | 13:57
Սիրիայի հյուսիսային Հալեպ քաղաքում կիրակի վաղ առավոտյան շենք է փլուզվել, ինչի հետևանքով առնվազն 12 մարդ է զոհվել, այդ թվում՝ մեկ երեխա, հայտնում են պետական լրատվամիջոցները, փոխանցում է The Washington post-ը:
ԱՄՆ-ի կողմից աջակցվող քրդերի «Սիրիայի դեմոկրատական ուժերի» հսկողության տակ գտնվող Շեյխ Մաքսուդ թաղամասում, ըստ հաղորդագրության, գիշերը փլուզվել է հինգհարկանի շենքը, որտեղ գտնվել է մոտ 30 մարդ:
Նշվում է, որ պատճառը կարող է ջրի արտահոսքը լինել, ինչը թուլացրել է կառույցի հիմքը:
Որոնման աշխատանքներին, ըստ կայքի, մասնակցում են տասնյակ հրշեջներ, փրկարարներ և բնակիչներ:
Հալեպում շատ շենքեր ավերվել կամ վնասվել են Սիրիայում 11-ամյա հակամարտության ընթացքում, ինչի հետևանքով հարյուր հազարավոր մարդիկ են զոհվել և տեղահանվել` երկրի նախապատերազմյան 23 միլիոնանոց բնակչության կեսը:
Հալեպը Սիրիայի ամենամեծ քաղաքն է և ժամանակին եղել է նրա առևտրային կենտրոնը:
