09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Նորվեգիա փախած «Վագների» նախկին մարտիկը ռուսական հատուկ ծառայությունների թիրախում է․ իրավապաշտպան
Քաղաքականություն
20.01.2023 | 22:54
Նորվեգիա փախած «Վագներ» մասնավոր ռազմական կազմակերպության նախկին հրամանատար Անդրեյ Մեդվեդևը բոլոր հիմքերն ունի՝ վախենալու իր կյանքի համար։ Այս մասին ասում են իրավապաշտպանները, ովքեր օգնել են նրան հեռանալ Ռուսաստանից։ Մինչ սահմանը հատելը Մեդվեդևը մի քանի ամիս թաքնվել է Ռուսաստանի տարածքում, գրում է Euronews-ը։
Նա հայտարարել է, որ պատրաստ է դատարանում ներկայացնել «Վագների» ռազմական հանցագործությունների ապացույցներ, որոնք կարող են վարկաբեկել նաև Ռուսաստանի ղեկավարության ներկայացուցիչներին:
«Անդրեյ Մեդվեդևի ցուցմունքը կարող է դառնալ Պրիգոժինի և նույնիսկ Պուտինի դեմ տրիբունալի հիմքերից մեկը: Հաշվի առնելով, որ Կրեմլը և Պրիգոժինը վախենում են մերկացումից և ամեն կերպ փորձում են խուսափել դրանցից, ես չեմ բացառում, որ նա ռուսական հատուկ ծառայությունների, ռուս մարդասպան-քիլլերների և Եվգենի Պրիգոժինի անվտանգության վարձկանների թիրախներից մեկն է»,- ասել է իրավապաշտպան Վլադիմիր Օսեչկինը։
Նորվեգիայի իշխանությունները դեռ պատրաստ չեն ասել՝ արդյո՞ք նախկին վարձկանին քաղաքական ապաստան կտրամադրվի։ Մեդվեդևն անձամբ խոստովանել է, որ փախել է ոչ թե գաղափարական նկատառումներից ելնելով, այլ այն բանից հետո, երբ պայմանագիրը երկարաձգվել է առանց իր համաձայնության։
Տաթև Ֆռանգյան
