20.04.2026 | 16:45
Սերժ Սարգսյանի ստորագրած հողամասի վաճառքի դիմաց ՀՀ-ին կվերադարձվի 78.8 մլն դրամ․ Դատախազություն
ՆԱՏՕ-ի գլխավոր քարտուղարի հատուկ ներկայացուցչի այցը Բաքու ավարտվել է մեկ հանդիպմամբ
Քաղաքականություն
20.01.2023 | 15:17
ՆԱՏՕ-ի գլխավոր քարտուղարի Հարավային Կովկասի և Կենտրոնական Ասիայի հարցերով հատուկ ներկայացուցիչ Խավիեր Կոլոմինան ավարտել է այցը Բաքու։ Այս մասին նա տեղեկացրել է թվիթերյան գրառմամբ։
«1990 թվականի սև հունվարի իրադարձությունների հիշատակման օրն ավարտում եմ իմ 3-րդ այցը Բաքու: Ադրբեջանի ԱԳ նախարար Ջեյհուն Բայրամովի հետ քննարկել ենք ՆԱՏՕ-ի համագործակցությունը, Լաչինի միջանցքում իրավիճակը, այդ թվում՝ հումանիտար մտահոգությունները, տարածաշրջանային կայունությունը։ Առանցքային է վերսկսել բանակցություններն ու կարգավորման գործընթացը»,- գրել է Կոլոմինան։
Ուշագրավ է, որ Բաքու այցի ընթացքում Կոլոմինան ընդամենը մեկ հանդիպում է անցկացրել։ Համենայնդեպս, ո՛չ Կոլոմինան, ո՛չ էլ ադրբեջանական կողմը այլ հանդիպումների մասին տեղեկություններ չեն հաղորդում։
Հավելենք, որ Երևան կատարած այցի ընթացքում ՆԱՏՕ-ի պաշտոնյան հանդիպել է ՀՀ տարբեր պաշտոնյաների, այդ թվում՝ վարչապետ Նիկոլ Փաշինյանի, ԱԳ նախարար Արարատ Միրզոյանի, ՊՆ ղեկավար Սուրեն Պապիկյանի հետ։
Էմմա Չոբանյան
