25.11.2024 | 14:15
Երևանում 3 օր տեղումներ են սպասվում․ ջերմաստիճանը կնվազի 6-10 աստիճանով
Նիդեռլանդների ԱԳ նախարարը Բայրամովի հետ զրույցում կոչ է արել ապահովել Լաչինի միջանցքով ազատ տեղաշարժը
Քաղաքականություն
20.01.2023 | 13:14
Նիդեռլանդների ԱԳ նախարար Վոպկե Հուքստրան կոչ է արել Ադրբեջանին՝ թույլ տալ Լաչինի միջանցքով ազատ տեղաշարժը։
Հուքստրան իր թվիթերյան էջում պատմել է ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հետ տեղի ունեցած հեռախոսազրույցների մասին։
«Այսօր ես զրուցել եմ Հայաստանի և Ադրբեջանի արտգործնախարարների հետ։ Ես մտահոգություն հայտնեցի Լաչինի միջանցքի շուրջ ստեղծված հումանիտար իրավիճակի վերաբերյալ և խնդրեցի Ադրբեջանին՝ թույլատրել ազատ տեղաշարժը այս ճանապարհով։ Երկու զրույցներում էլ նաև ընդգծեցի բանակցային սեղան վերադառնալու կարևորությունը։ Նիդեռլանդներն աջակցում է Շառլ Միշելի գլխավորած ԵՄ միջնորդական գործընթացին, հուսով եմ, որ այդ բանակցությունները շուտով կվերսկսվեն»,- գրել է Հուքստրան։
Էմմա Չոբանյան
