ԱՄՆ-ն Ուկրաինային 2,5 միլիարդ դոլարի զենք կտրամադրի

Միացյալ Նահանգները հայտարարել է Ուկրաինային 2,5 միլիարդ դոլարի չափով (2,3 միլիարդ եվրո) ռազմական օգնության նոր փաթեթի մասին: Այս մասին հայտնել է ԱՄՆ Պաշտպանության նախարարությունը։ Ըստ այդ տեղեկատվության՝ սպառազինություն և տեխնիկա կմատակարարվի Պենտագոնի պաշարներից, գրում է DW-ի ռուսական ծառայությունը։

Զենքի նոր փաթեթը չի ներառի տանկեր, սակայն կներառի զրահատեխնիկա, հակաօդային պաշտպանության համակարգեր և մեծ քանակությամբ զինամթերք։ Մասնավորապես, Ուկրաինան կստանա ևս 59 Bradley հետևակի մարտական մեքենա՝ ի լրումն 50 հետևակի մարտական մեքենաների, որոնք Վաշինգտոնը հայտարարեց մեկ շաբաթ առաջ, ինչպես նաև 90 Stryker զրահափոխադրիչ, 53 ականապատ մեքենա, բարձր շարժունակության բազմաֆունկցիոնալ անվավոր մեքենաներ:

Բացի այդ, Միացյալ Նահանգները Կիևին կտրամադրի լրացուցիչ զինամթերք «երկիր-օդ» հրթիռային համակարգերի համար (NASAMS), ութ Avenger հակաօդային պաշտպանության համակարգեր, լրացուցիչ զինամթերք HIMARS MLRS-ի համար, 20,000 155 մմ հրետանային արկ, 600 155 մմ ճշգրիտ. կառավարվող հրետանային արկեր, 95,000 105 մմ հրետանային արկեր, 11,800 120 մմ ականանետեր, բարձր արագությամբ հակառադարային հրթիռներ (HARMs), ինչպես նաև տրանսպորտային միջոցներ, փոքր զենքի պարկուճներ, գիշերային տեսողության սարքեր, տրանսպորտային միջոցների մասեր և դաշտային սարքավորումներ:

Նշենք, որ 2022 թվականի փետրվարի 24-ին ռուսական ագրեսիայի սկզբից ի վեր ԱՄՆ-ն Ուկրաինային տրամադրել է 26,7 միլիարդ դոլարի ռազմական օգնություն։

Տաթև Ֆռանգյան