07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Բակո Սահակյան, դու անցել ես կարմիր գիծը». Հայկ Խանումյանը՝ Ստեփանակերտի հանրահավաքին
Քաղաքականություն
13.06.2018 | 20:44
Այսօր` հունիսի 13-ին, «Ազգային վերածնունդ» կուսակցությունը հանրահավաք է կազմակերպել Ստեփանակերտում, որտեղ ներկայացվել են Արցախում ստեղծված քաղաքական ճգնաժամից դուրս գալու տարբերակներ:
Հանրահավաքը նախատեսված էր անցկացնել Վերածննդի հրապարակում` Արցախի Հանրապետության նախագահի նստավայրի դիմաց, սակայն ոստիկանական ուժերով փակվել են հրապարակ բերող բոլոր ճանապարհները:
Որպես այլընտրանքային տարածք ոստիկանությունն առաջարկել է հարակից Նելսոն Ստեփանյանի պուրակը, որի մուտքի մոտ էլ տեղի է ունեցել հանրահավաքը:
«Ազգային Վերածնունդ» կուսակցության նախագահ Հայկ Խանումյանն անդրադառնալով Բակո Սահակյանի պաշտոնավարմանը, մասնավորապես ասել է. «Նման նախագահի առկայությունը լուրջ սպառնալիք է Ազգային անվտանգության համար: Եկեք պատվենք Բակո Սահակյան մարդուն, Բակո Սահակյան հասարակության անդամին, բայց Բակո Սահակյան, պարո՛ն նախագահ, դու անցել ես կարմիր գիծը, դու խախտել ես խաղի կանոնները, այն սրբությունները, որոնք մինչ այդ որևէ նախագահ ռիսկ չէր արել անցնել, այսինքն՝ Սահմանադրությունը սեփական հագով կարելու մասին է խոսքը, 88 թվականին հաստատված արժեքները ոտնատակ տալը, նա խախտել է, և նա պետք է հեռանա»:
Արցախում 2020 թվականին գործող Սահմանադրության համաձայն տեղի են ունենալու ԱՀ նախագահի համաժողովրդական ընտրություններ:
Օրերս ArtsakhTimes.am-ին տված հարցազրույցում Բակո Սահակյանն ասել է. «Ուզում եմ պաշտոնապես հայտարարել, որ ես որպես հանարապետության նախագահի թեկնածու չեմ մասնակցելու այդ ընտրություններին»:
Մարութ Վանյան. Ստեփանակերտ
