16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Գերմանիան հայտարարել է ռուսական էներգակիրներից այլևս կախվածություն չունենալու մասին
Քաղաքականություն
19.01.2023 | 13:32
Գերմանիան այլևս կախված չէ ռուսական էներգակիրներից: BBC-ին այս մասին ասել է երկրի ֆինանսների նախարար Քրիստիան Լինդները։
Գերմանիան ամբողջությամբ դիվերսիֆիկացրել է իր էներգետիկ ենթակառուցվածքը Ուկրաինա ռուսական ներխուժումից հետո, Բեռլինը գտել է էներգակիրների ներկրման նոր աղբյուրներ՝ չնայած Ռուսաստանը փակել է գազի ծորակները դեպի Եվրոպա, ասել է Լինդները։
«Այո, իհարկե, Գերմանիան նախկինի նման կախված է էներգակիրների ներկրումից, բայց այսօր արդեն ոչ թե Ռուսաստանից, այլ համաշխարհային շուկաներից ներկրումներից»,- ասել է նա։
Նախկինում Գերմանիան Ռուսաստանից ներկրում էր իր սպառած գազի շուրջ կեսը և նավթի ավելի քան մեկ երրորդը: Ռուսաստանն օգոստոսին դադարեցրեց գազի մատակարարումը երկիր, իսկ Գերմանիան դադարեցրեց ռուսական նավթի ներկրումն այս տարվա սկզբին:
Այլընտրանքային էներգիայի աղբյուրներ գտնելու նպատակով երկիրը վերաբացել է ածխով աշխատող էլեկտրակայանները, դադարեցրել է Գերմանիայի մնացած երեք ատոմակայանները փակելու ծրագրերը և մեծացրել այլ երկրներից, ինչպիսիք են Նորվեգիան և ԱՄՆ-ն, ներկրվող բնական գազի պահեստավորման հզորությունը:
Տաթև Ֆռանգյան
