15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Խաղաղության բանակցությունները փակուղում են. Հայկ Մամիջանյան․ ՏԵՍԱՆՅՈՒԹ
Քաղաքականություն
19.01.2023 | 11:36
«Միջազգային հարաբերությունների տեսանկյունից ՀՀ արտաքին քաղաքականությունը դասագրքերի մեջ պետք է մտնի որպես նոնսենս»,- այսօր խորհրդարանական ճեպազրույցի ընթացքում այս կարծիքը հայտնեց «Պատիվ ունեմ» խմբակցության պատգամավոր Հայկ Մամիջանյանը։
«Առկա են խաղաղության բանակցություններ երկու ուղղությամբ՝ մեկով Արցախի մասին չկա հիշատակում, մյուսով՝ առկա է հիշատակում և ինքնորոշման հնարավորություն հետագայում։ Աբսուրդ է, որ Հայաստանը պաշտոնապես հայտարարել է, որ պատրաստ է համաձայնել երկուսին էլ։ Ինչպե՞ս կարելի է երկուսին էլ համաձայնել» ,- նշեց պատգամավորը։
Մամիջանյանը հավելեց․ «Փաշինյանն ինքն է ընդունել և հայտարարել ԱԺ-ում, որ խաղաղության օրակարգը ձախողվել է»։
«Երկու ուղղությամբ ընթացող բանակցություններն էլ փակուղու մեջ են»,- ընդգծեց ընդդիմադիր քաղաքական գործիչը՝ հավելելով, որ երկու ուղղությամբ էլ կարող է հատ առ հատ թվարկել ՀՀ հիմնական բանակցողի բացթողումներն ու սխալները։
Մանրամասները՝ տեսանյութում։
