07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Փորձ է արվել 5 լիտրանոց տարայով բենզինը լցնել վառարանի մեջ․ Փաշինյան․ ՏԵՍԱՆՅՈՒԹ
Տեսանյութեր
19.01.2023 | 11:26
Կառավարության նիստի մեկնարկին ՀՀ վարչապետ Նիկոլ Փաշինյանն անդրադարձավ հրդեհի բռնկման վարկածներին:
«2020 թվականի դեկտեմբերի 21-ին ԶՈՒ ԳՇ պետը ստորագրել է 14 ԳՇ կարգադրությունը հետևյալ վերնագրով՝ «ԶՈՒ զորամասերում տեղի ունեցած հրդեհների և դրանց կանխարգելման մասին»: Հստակ հրաման է տվել, թե ինչ պետք է անել հակահրդեհային կանոնները պահպանելու համար: 7-րդ կետում նշվում է՝ խստիվ արգելել վառարանների շահագործման համար որպես կպչան՝ ավտոբենզին, նեֆրազ և այլ տեսակի դյուրավառ հեղուկների օգտագործումը, դրանք պահպանել այլ հեղուկներից առանձին»,- ասաց Փաշինյանը:
Նիկոլ Փաշինյանի խոսքով՝ այս կանոնների պահպանումը թույլ կտար չունենալ այս դեպքը:
«Նախարարը զեկուցեց, որ վառարանները վառելու համար հատուկ այրիչներ են բաժանվել, որպեսզի լրացուցիչ ինչ-որ բաների կարիք չլինի:
Ըստ նախնական վարկածի՝ 5 լիտրանոց տարայով փորձ է արվել բացել, լցնել վառարանի մեջ: Երբ բաց կրակ է եղել, այրվել է վառարանը, հրդեհն անցել է վառարանը վառել փորձող սպային: Ինքնապաշտպանական բնազդից ելնելով՝ 5 լիտրանոց բենզինը շպրտվել է զորամասի կացարանի ուղղությամբ»,- հայտնեց վարչապետը:
