12.09.2026 | 11:35
15-ամյան Անի Գևորգյանը սեպտեմբերի 11-ին դուրս է եկել տնից և չի վերադարձել․ ՆԳՆ
2,4 մլրդ դրամ՝ դատախազներին աշխատավարձի 92 տոկոսի չափով հավելավճար տալու համար
Հասարակություն
19.01.2023 | 11:23
Գլխավոր դատախազությունն առաջարկում է դատախազներին աշխատավարձի 92 տոկոսի չափով հավելավճար տալ։ Խոսքը 432 դատախազի մասին է, որոնց հավելավճարը մեկ տարվա համար կազմում է 2,4 մլրդ դրամ։ Գլխավոր դատախազությունը հավելավճարի տրամադրման հիմքում մի քանի կետեր է նշել։
Ըստ իրավապահ կառույցի դատախազներն աշխատում են ծանրաբեռնված, իսկ վարձատրությունը ցածր է, ինչի հետևանքով այս աշխատանքը գրավիչ չէ։ Բացի այս կան նաև կաշառք վերցնելու և պաշտոնեական դիրքը չարաշահելու ռիսկեր։ Շեշտվում է, որ վիճակագրության համաձայն՝ կաշառք, ավելի շատ վերցնում են սպանության, առևանգման, դիտավորությամբ առողջությանը վնաս պատճառելու, բժշկական սխալի, խարդախության, քրեական ենթամշակույթի հետ կապված հանցագործությունների, ՃԵԿ կանոնների հանցավոր խախտումների, խուլիգանությունների, խոշտանգումների, թմրամիջոցների ապօրինի շրջանառության գործերով զբաղվող դատախազները, քան՝ կոռուպցիոն հանցագործությունների վերաբերյալ գործերով զբաղվողները։
Նշվում է, որ դատախազները քրեական գործերի ծավալի աճով պայմանավորված օրական աշխատում են 12-13 ժամ։ Նախագիծն ընդգրկվել է կառավարության նիստի օրակարգում։
Նարեկ Կիրակոսյան
