16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ֆիլիպ Ռիքերն այլևս չի մասնակցի ԼՂ հարցով բանակցություններին․ ովքե՞ր են փոխարինելու նրան
Քաղաքականություն
19.01.2023 | 12:13
ԱՄՆ պետքարտուղարի Կովկասյան բանակցությունների գծով ավագ խորհրդական և ԵԱՀԿ Մինսկի խմբի համանախագահ Ֆիլիպ Ռիքերն այլևս չի մասնակցի ԼՂ հարցով բանակցություններին, քանի որ անցյալ շաբաթ թոշակի է անցել «Պետքարտուղարությունում՝ 30-ամյա փառավոր կարիերայից հետո»: Այս մասին հայտարարել է ԱՄՆ Պետքարտուղարության մամուլի ծառայության ղեկավար Նեդ Փրայսը ճեպազրույցի ժամանակ։
«Բայց այս գերատեսչությունում կան մի շարք այլ անհատներ, որոնք խորապես ներգրավված են այս գործընթացում, ինչպես հենց ինքը՝ քարտուղար Բլինքենը Սա նրա անձնական առաջնահերթությունն է։ Բայց այնպիսի մարդիկ, ինչպիսին Թորիա Նուլանդն է, մարդիկ, ինչպիսին Քերըն Դոնֆրիդն է, մարդիկ, ինչպիսիք են մեր Եվրոպայի և Եվրասիայի գործերի բյուրոյի մի շարք բարձրաստիճան պաշտոնյաներ, խորապես ներգրավված կլինեն այս հարցում»,- հայտարարել է Փրայսը։
Հիշեցնենք, որ ԱՄՆ պետքարտուղար Էնթոնի Բլինքենը դեսպան Ֆիլիպ Ռիքերին նշանակել էր Կովկասյան բանակցությունների գծով ավագ խորհրդական և ԵԱՀԿ Մինսկի խմբի համանախագահ նախորդ տարվա օգոստոս ամսին:
Տաթև Ֆռանգյան
